ଦନାର ମାଝୀ

ଅସହାୟ ମଣିଷଟା ସିଏ

ସେ ସହିଛି ଦାରିଦ୍ର୍ୟର

କଷାଘାତ ନିଜେ 

ରୋଗାଗ୍ରସ୍ତ ସ୍ତ୍ରୀକୁ ତାହାର

ବଞ୍ଚିତ କରିଛି ପଇସା ଅଭାବେ 

ଭଲ ଚିକିତ୍ସାରୁ

ତେଣୁ କରି ତା ସହଧର୍ମିଣୀ

ମରଣପଥର ଯାତ୍ରୀ ସାଜିଗଲା 

ବିଛଣାରେ ଲଢି ଲଢି 

ମୃତ୍ୟୁ ସାଙ୍ଗରେ ସେ 

ଟଙ୍କା ନାହିଁ ପାଶେ ବୋଲି ତାର

ଆସିଲାନି ଶବ ବୁହା ଗାଡି

ସ୍ତ୍ରୀ ଶବ କାନ୍ଧରେ କାନ୍ଧେଇ 

ଚାଲିଚାଲି ଫେରିଲା ଗାଁକୁ

ସାଥେ ଥିଲା କନ୍ୟାରତ୍ନ ତାର

ଦେଖି ଏହି ଦାରୁଣ ଦୃଶ୍ୟକୁ 

ବଦାନ୍ୟତା ଦେଖାଇଲେ

ମିଡିଆ ପେପର 

ଛାପି ଦେଇ ପ୍ରଚାରିତ କଲେ 

ଯେଉଁ ଦୁଃସ୍ଥ ମଣିଷର କଥା

ସହର ଗଳି କନ୍ଦିରେ 

ଯେ ସାଜିଲା 

ଚର୍ଚ୍ଚିତ ଚେହେରା

ସରକାର ସହାୟତା ସବୁ

 ଯେ ପାରିଲା ନିଜେ ନିଜେ ବୁଝି

ସିଏ ପରା

 ୟେ ଦନାର ମାଝୀ ।