ଦିନରାତି ହନ୍ତସନ୍ତ

ଦୋକାନ ହେଉବା ହେଉ ସିଏ ମଲ୍

 ହେଉ ଅବା ହାଟ ବଜାର

 ଖଟି ଖାଉଥିଲେ ଖଟିଖିଆ ଯେତେ

 ସବୁତ ହେଲେଣି ବେକାର ll

 ଗାଡି ମଟରରେ କାମକରି ନିତି

 ଚଳୁଥିଲେ କେତେ ଲୋକ

 ଗାଡି ଗଡୁନିକି ମଟର ଚାଲୁନି

 ବଳିଯାଏ ତାଙ୍କ ଦୁଃଖ ll

 ବୁଲା ବିକାଳିଙ୍କୁ ବୁଲିବାକୁ ମନା

 କରୋଣା କରୁଛି ବଣା

 ଠେଲାଗାଡି ଧରି ବିକୁଥିଲେ ଯିଏ

 ତାଙ୍କ ପାଇଁ କଟକଣା ll

 ଛୋଟମୋଟ ଯେତେ ବଣିଜ ବେପାର

 ସବୁତ ଗଲାଣି ବୁଡି

 ଆଗକୁ ଚାହିଁଲେ ଆଖି ପାଉନାହିଁ

ମାଡି ଆସେ ସତେ ବଢି ll

 ସରକାରଙ୍କର ଠିକା କର୍ମଚାରୀ

 ସାହାବ ମାନଙ୍କ ଗୋଲାମ

କରୋଣା ନାଁ ରେ ଚାକିରୀ ନେଉଛି

ବାବୁ ମାନଙ୍କର କଲମ ll

ରୋଜଗାର ନାହିଁ ଅଭାବର ଦାଉ

ଦୁଃଖ ଦରିଆରେ ଭାଷନ୍ତି

ପିଲା ପରିବାର ଅନ୍ଧାରରେ ସବୁ

ଜୀଇବାର ରାହା ଖୋଜନ୍ତି ll

କରୋଣା ରୁ ଲୋକେ ଭଲ ହେଉଛନ୍ତି

ହେଉଛନ୍ତି ସବୁ ସୁସ୍ଥ

କରୋଣା ନାଁ ରେ ସୁସ୍ଥ ଲୋକ

କିନ୍ତୁ ଦିନରାତି ହନ୍ତସନ୍ତ ll