ଧୂମପାନ

ସିଗାରେଟ ଧୂଆଁ ଅଟେ ମାରାତ୍ମକ

ଖୋଳରେ ଚିତ୍ର ଅଙ୍କିତ

ନିଶାରେ ଜଡିତ ବ୍ୟକ୍ତିଯେ ଟାଣନ୍ତି

ସିଗାରେଟ ଆନନ୍ଦିତ ll

ଖୋଳରେ ଚିହ୍ନିତ କ୍ୟାନସର ରୋଗ

ଦେହକୁ କ୍ଷତିକାରକ

ପଢି ଦେଖି ଲୋକ ଖାଏ ସିଗାରେଟ

ନିଆଁରେ ଯେସନେ ପୋକ ll

ସିଗାରେଟ ଅଟେ ବାବୁଙ୍କ ପ୍ରତୀକ

କୁହନ୍ତି ଲୋକେ ଭ୍ରମରେ

ସିଗାରେଟ ଧୂଆଁ ଦେହକୁ ଅହିତ

ଅସନ୍ତୋଷ ପରିବାରେ ll

ସିଗାରେଟ ପୁଣି ଗଞ୍ଜେଇ ଖାଆନ୍ତି

ନିକୋଟିନ କେମିକାଲ

ନିକୋଟିନ ଆଣେ କ୍ୟାନସର ରୋଗ

ଏକଥା ମନୁ ନ ଭୁଲ ll

ଛୋଟ ବଡ଼ ନିଶା ପଇସା ଟାଣଇ

ବ୍ୟକ୍ତିକୁ ଦରିଦ୍ର କରେ

ନିଶାରେ ମାତାଲ ହୋଇକି ମଣିଷ

ଚୋରି ଡକାୟତି କରେ ll

ସମାଜେ ଅଶିକ୍ଷା ନିଶାର ପ୍ରଭାବେ

ଭ୍ରଷ୍ଟାଚାର ସବୁ ବଢେ

ନିଶାଗ୍ରସ୍ତ ଲୋକ ନିଶାରେ ପାଗଳ

ଅପରାଧ ସବୁ କରେ ll

ପରିବାର ମଧ୍ୟେ ଅଶାନ୍ତି ବଢ଼େଇ

ସ୍ୱାମୀ ସ୍ତ୍ରୀ ମଧ୍ୟେ ସମର

ପିତା ମାତା ବନ୍ଧୁ ନିଶାଯୋଗୁ ସର୍ବେ

ପାଖୁ ହୁଅନ୍ତି ଅନ୍ତର ll

ନିଶାଗ୍ରସ୍ତ ଲୋକ ଦୁର୍ଘଟଣା କରେ

ଜୀବନ ଯାଏ ରାସ୍ତାରେ

ନିଶାଖିଆ ଲୋକ ଭୋଗେ ନାନା ରୋଗ

ଘାତକ ଯେ ସମାଜରେ ll

ପାନ ବିଡି ଗଂଜା ଭାଙ୍ଗ ମଦ ନିଶା

ସାଥେ ବ୍ରାଉନ ସୁଗାର

ନିଶା ଖାଇ ଲୋକେ ହୁଏ ସର୍ବସାନ୍ତ

ପରିବାର ଛାରଖାର ll

ସମାଜ ମଙ୍ଗଳ ପାଇଁକି ବୁଝନ୍ତୁ

ନିଶାର ଯେ ଅପକାର

ନିଶାରୁ ଦୁରେଇ ରହିଲେ ମଣିଷ

ଗଢ଼ିବ ସୁସ୍ଥ ସଂସାର ll