ଧର୍ମର ବିଜୟ
ଧର୍ମର ବିଜୟ
ଗାଁ ଗାଁ ଆଜି ଅଯୋଧ୍ୟା ନଗରୀ
ପୁରେ ପୁରେ ହରିନାମ
୫୦୦ ବରଷ ବନବାସ ସାରି
ଫେରୁଛନ୍ତି ଆଜି ରାମ ll
୧୪ ବରଷ ବନବାସ ଯିଏ
ହସି ହସି ଦେଲେ କାଟି
ଏ ଦୁନିୟା ତାକୁ ଡର ଦେଖେଇଲା
ଗଢ଼ା ମନ୍ଦିର ଭାଙ୍ଗି ll
ଲୋଡ଼ା ନାହିଁ ତାକୁ ସୁନାର ମୁକୁଟ
ରାଜ୍ୟ କି ରାଜ ଉଆସ
ଭଙ୍ଗା ତମ୍ବୁ ତଳେ କାଟିଲେ ଜୀବନ
ବର୍ଷ ବର୍ଷ ମାସ ମାସ ll
ହେଲା ବିଜୟ ଧର୍ମର ପୁଣି
ଶତ୍ରୁ ହେଲେ ଛାନିଆ
ଭବ୍ୟ ମନ୍ଦିର ହୋଇଲା ପ୍ରତିଷ୍ଟା
ଦେଖିଲା ସାରା ଦୁନିଆ ll
ସତ୍ୟ ନ୍ୟାୟ ଆଉ ତ୍ୟାଗ ଆଦର୍ଶର
ବାର୍ତ୍ତାଟି ଦେବା ପାଇଁ
ଧରା ପୃଷ୍ଠରେ ମର୍ଯ୍ୟାଦା ପୁରୁଷ
ପୁଣି ଆସିଛନ୍ତି ଧାଇଁ ll
ଘରେ ଘରେ ଜନ୍ମ ନିଅନ୍ତୁ ଶ୍ରୀରାମ
ନ ରହୁ ରାବଣ ଭୟ
ଅକ୍ଷୟ ରହୁ ପୁଣ୍ୟ ଜଗତେ
ଧର୍ମର ହେଉ ଜୟ ll