ଧାରା ଶ୍ରାବଣ
ଧାରା ଶ୍ରାବଣ
ଧରା ଶିରାବଣ ମାସ
ହେଉଛି ବରଷା ଝିପିରି ଝିପିରି
ଗଛ ଲଗାଇବା ଆସ ।
ବିଲରେ ଛନକା ଘାସ
ଖୁଆଇବା ଆଣି ଗାଈ ବାଛୁରୀଙ୍କୁ
ହୋଇବେ ଦୁହେଁ ହରଷ ।
ସୁମନ ଭରିଛି ରସ
କରନ୍ତି ସଂଗ୍ରହ କଙ୍କି ପ୍ରଜାପତି
ଚୁମି ଫୁଲର ସୁବାସ ।
ମେଘୁଆ ଦିଶେ ଆକାଶ
ଆହାକି ସୁନ୍ଦର ପ୍ରକୃତି ରାଣୀର
ମନୋମୁଗ୍ଧକର ବେଶ ।
ହର ପାରବତୀ ରାସ
ଲୀଳା କରୁଛନ୍ତି କୈଳାସ ପର୍ବତେ
ନଭଦେଶେ ପରକାଶ ।
ମନରେ ରଖି ବିଶ୍ୱାସ
ପୂଜିବା ଶିବଙ୍କୁ ଦୁଦୁରା ଜଳରେ
ଶଙ୍କର ଦେବେ ଆଶିଷ ।
କିଏ ସେ ହେବ ସରସ
କହୁଛି କାନନ ବୃକ୍ଷଲତା ରାଜି
ସରିବ ଶ୍ରାବଣ ମାସ ।
ବରଷକେ ବାର ମାସ
ସବୁ ମାସଠାରୁ ବଳି ମହୀୟାନ
ଧାରା ଶିରାବଣ ମାସ ।