ଚୋରି ଚୋରି ଖଟା ମିଠା

ଦିନେ ମୁଁ ରାତିରେ ସପନ ଦେଖିଲି

ଜହ୍ନ ନାହିଁ ଆକାଶରେ

କଳା ମିଚି ମିଚି ଅନ୍ଧାର ଦିଶୁଛି

ବାହାରିଲି ଏକାନ୍ତରେ ।

ବଳିଆ ତୋଟାରେ ଦେଖି ଥିଲି ଆମ୍ବ

ଚୋରି କରିବାକୁ ମନ 

ସେଇଥି ପାଇଁକି ପାହାନ୍ତିଆ ବେଳେ

ଆଖିରେ ଭାସେ ସପନ ।

ଗଛରେ ଚଢିଛି ଆମ୍ବ ତୋଳିବାକୁ

ବୁଢ଼ି ଆସେ ନଇଁ ନଇଁ

ଚୁପ ହୋଇ ଯେବେ ବସିଲି ଡାଳରେ

ଦେଖେ ବୁଡି ନୁହେଁ ସେହି ।

ଦେହରୁ ଚାଦର ତଳେ ପକାଇଲା

ଚଢିଲା ଗଛ ଉପରେ 

ତାକୁ ଦେଖି ମୋର ଦେହ ଥରୁ ଥିଲା

ଯେସନେ ବରଡା ଥରେ ।

ମୋତେ ଦେଖି କୁହେ ତୁହି ତ ଚୋରଣୀ

ମୁଁ ତୋର ରସିଆ ଚୋର

ଗଛଟାକୁ ଆମ୍ଭେ ସଫା କରି ଦେବା 

କାହିଁକି କରୁଚୁ ଡର ।

ଆମେ ଦୁହେଁ ଯେବେ ସଂସାର କରିବା

ସମାଜର ଦେବା ଲାଭ

ଯା ଘରେ ନାଇଁ ଲୋ ଆମ୍ବ କଷିଟିଏ

ତା ଘରକୁ ହେବା ଶୁଭ ।

ବେଳୁ ବେଳ ତାର ସାହାସ ବଢୁଛି

କେମିତି ପାଇବି ମୁକ୍ତ

ହଁ ଟାଏ ମାରି ଗଛରୁ ଡେଇଁଲି

ମୁଁ ତୁମର ପ୍ରିୟ ଭକ୍ତ ।

ସପନେ ତୋଳିଲି ଯେତେ ପକ୍ୱ ଆମ୍ବ

ସେଥିରେ ନଥିଲା ମିଠା

ସେଇ ଦୁଇ ପଦ ମନେ କଲା‌ ଘର

ସତେ କି ଲାଗିଛି ଅଠା ।