ଲାଇବ୍ରେରୀ
ପ୍ରୋଫାଇଲ୍
ଚୋର ତ ଚୋର
ଚୋର ତ ଚୋର
1 min
592
ଚୋରତ ଚୋର ସିନେହ ଚୋର
ମନ ଚୋର ପୁଣି ମମତା ଚୋର
ସେ ଚୋରକୁ ପରା ଧରିବା ପାଇଁକି
ଲୋଡା ହୋଇଥାଏ ଭକତି ଡୋର ।
ବଇଁଶି ବଜାଇ ଗୋପ ଗୁଆଳିଙ୍କ
ମନକୁ ଚୋରାଇ ନେଇଛି
ମନ ଚୋରି କରି ରାଇକିଶୋରୀକୁ
ପ୍ରେମ ପାଗଳିନୀ କରିଛି
ଗାଧୁଆ ତୁଠରୁ ବସନ ଚୋରାଇ
ଆଣିଛି ଯମୁନା ଜଳେ ଯୁଆର
ଚୋର ତ ଚୋର ।
ତଥିପରେ ତଥି ଯତନରେ ଥୋଇ
ଲହୁଣୀ ଚୋରାଇ ଖାଇଛି
ଧରା ପଡିଯାଇ ମମତା ଫାଶରେ
ମା ଠାରୁ ମାଡ ଖାଇଛି
ସେହି ଚୋର ଯେବେ ମଥୁରାକୁ ଗଲା
ଛାରଖାର ହେଲା ଗୋପ ନଗର
ଚୋରତ ଚୋର ।
