ଲାଇବ୍ରେରୀ
ପ୍ରୋଫାଇଲ୍
ଚହଟିଲା କୁଞ୍ଜବନ
ଚହଟିଲା କୁଞ୍ଜବନ
1 min
281
ଚହଟେ ଚନ୍ଦନ
କଳା ମେଘ ଗରଜନ
ଉଆଁସ ରାତିରେ ନନ୍ଦ ଉଆସରେ
ଉଇଁଲା ପୂହ୍ନେଇ ଜହ୍ନଲୋ
ରାତି ଲାଗେ ଦିନଦିନ ।
ଶୋହଳ କଳାରୁ କଳାଏ କଳାରେ
ଏନ୍ତୁଡିଶାଳରେ ଯଶୋଦା କୋଳରେ
ଉଛୁଳିଲା ଗୋପ କିଏ ଆସିଲାରେ
ଆସୁ ଆସୁ ସବୁ ନୂଆ ଦିଶିଲାରେ
ଉଜାଣି ବହିଲା ଯମୁନା ପାଣିଲୋ
ଚହଟିଲା କୁଞ୍ଜବନ
ନନ୍ଦ ଯଶୋଦା ଙ୍କ ଅନ୍ଧର ଲଉଡି
ଅନ୍ଧାରରେ ଆସି ଜାଳିଲା ଦିହୁଡି
କୁଆଁ କୁଆଁ କୁଆଁ କାନ୍ଦୁଥିଲା ଏତେ
ମକରନ୍ଦ ଝରି ପଡୁଥିଲା ସତେ
ମହକି ଉଠିଲା ବନ ଉପବନ
ମହକିଲା ବୃନ୍ଦାବନ
