ଛଳନା

ସାଗର ସହିତ ନୌକାର ସମ୍ପର୍କ

ସହଜରେ ଜାଣେ ସିଏ

ତୁମ ହୃଦୟର ଗଭୀରତା କେତେ

ମତେ ବି ଅଜଣା ନୁହେଁ ।

ସେନେହ ଟିକକ ଦେବା ପାଇଁ ପ୍ରିୟା

କିମ୍ପାଇଁ କୃପଣ ହେଉଛ

ମୁହେଁ ରାମ ରାମ ଭିତରେ ହାରାମ

ଏଇଟା କି ଭଲପାଉଛ ।

ମାଗି ତ ନଥିଲି ତୁମକୁ ମୁଁ କେବେ

ପ୍ରୀତିଭରା ତୁମ ହୃଦୟ

ମୋ ବିନା କାହିଁକି ତୁମ ମନ ପକ୍ଷୀ

ସର୍ବଦା ହେଉଛି ଅଥୟ ।

ଏଇଟା କି ନୁହେଁ ଭଲପାଇବାଟା

ଥରେ ହେଲେ ଭାବି ଦେଖିଛ

ବନ୍ଧକ ପକାଇ ମନକୁ ମୋ ଠାରେ

ହୃଦ ଅନ୍ୟ ଠାରେ ବିକିଛ ।

ଗୋଟେ ପଟେ କୁହ ଭୁଲିଯାଅ ବୋଲି

ଅନ୍ୟପଟେ ଝୁରି ହେଉଛ

ସେନେହ ଟିକକ ପ୍ରତିଦାନେ ଦେଇ

ମାରିବାକୁ ସିନା ବସିଛ ।।