ଚେତାବନୀ

        

 ଆଶାର ଆଲୋକର ଉଦ୍ଗିରଣ ହେବ

             ଆଉ ପୁଣି ଥରେ ଏଇ ଦୁନିଆଁ ହସିବ

ସାହାସ ଆଉ ଦୃଢ ଇଚ୍ଛା ଶକ୍ତି ଦ୍ୱାରା

             ପୁଣିଥରେ ଖୁସି ଲେଉଟି ଆସିବ।

ହେଲେ ଭୁଲ୍ ଯୋଗୁଁ ଦଶା ଯେ ବଢୁଛି

             ତଥାପି ବି କିଛି ଚିନ୍ତା ନାହିଁ

ଅମାନୁଷିକ କାର୍ଯ୍ୟ କୁ ବାରମ୍ବାର କରି

          ମାନବିକତା କୁ ଦେଉଛେ ହରାଇ।

କେତେ ଆଉ ନିଜକୁ ନିଚ୍ଚା ଦେଖାଇବା

        ନିଜର ବଦନାମ କରିବା

ଶ୍ରେଷ୍ଠ ଜୀବ ବୋଲି କେତେ ଆଉ

         ନିଜକୁ ନିଲାମ କରିବା।

ଜୀବନ ରେ ଭୁଲରୁ ଶିକ୍ଷା ଲାଭ କରି

           ଆମେ ଆଗକୁ ଗତିକରିବା

ପରିବର୍ତ୍ତନ ର ଅନ୍ୟ ନାମ ଯେ ଜୀବନ

         ଯାହା ଆମେ କେବେ ନଭୁଲିବା।

ଦୟା, ସ୍ନେହ, ପ୍ରେମ ର ଆମେ

                ରାଗିଣୀ ଗାଇବା

କାହାର କ୍ଷତି ଆମେ

           କେବେ ନ ଚାହିଁବା।

ତେବେ ଯାଇ ଆମେ ସିନା

        ଶାନ୍ତି ରେ ରହିବା

ନହେଲେ ତୁଣ୍ଡି ବାନ୍ଧି

        ନିତି ବୁଲିଥିବା।

ସମୟ ପୁର୍ବରୁ ଯଦି ସମଗ୍ର ମନୁଷ୍ଯ ଜାତି

           ସତର୍କ ହୋଇବା

ତେବେ ଯାଇ ଆଶାର

        ଆଲୁଅରେ ଆଲୋକିତ ହେବା।