ଚାଲ ଯୋଡିଦେବା ମନକୁ ମନ
ଚାଲ ଯୋଡିଦେବା ମନକୁ ମନ
ନେଇଛୁ ଜନମ ଏ ଧରା ଧାମରେ
ସୁନ୍ଦର ଜନମ ମଣିଷ ରୂପରେ।
ଭାବରେ ଯୋଡୁଛୁ ଭାବନାର ଡୋରୀ
ଏମିତି କା ମନ ଅଛି କି କାହାରି ?
ମନକୁ ଯୋଡିବା ମନର ଭାବରେ
ଭାବନା ତ ଏଠି ଅଭାବ ଆଜିରେ।
ଆଜି ଏ ସଂସାରେ ମନ ହିଁ ତ ନାହିଁ
ତେଣୁଜନ୍ମୁ ନାହିଁ ଭାବନା କା'ପାଇଁ।
ଅତୀତରେ ଥିଲା ମଣିଷ ପଣିଆ
ମନ ଦେଇ କିଣୁଥିଲେ ଯେ ଦୁନିଆ।
ବିଜ୍ଞାନ ର ଯୁଗ ଚାଲିଛି ବୋଲିତ
କମ୍ପ୍ୟୁଟର ହାତେ ମନର ପଣତ।
ମନ ବୋଲି କାହା ପାଖରେ ଅଛି କି
ଅନଲାଇନ ରେ ଭାବ ହେଉଛି ଯୋଡିକି।
ଆପଣା ର ଲୋକ ଭଲ ଲାଗୁନାହିଁ
ଅଜଣା ସମ୍ପର୍କ ଗଢି ଉଠୁଛଇ।
ଫେସବୁକ ଠାରେ ମନ ଯୋଡିହୁଏ
ୱାଟସପ ରେ ପୁଣି ସମ୍ପର୍କ ବଢାଏ।
ପାଖେ ଥାଉ ପଛେ ଆପଣର ଲୋକ
ବୁଝନ୍ତି ନି କେହି ତାର ମନ ଦୁଃଖ।
ଏ କି ବିଡମ୍ବନା, ସଂସାର ଚାଳନା
ମନ ପାଶେ ଥାଇ ଯୋଡି ଯେ ହୁଏନା।
କେମିତି ଯୋଡିବା ମନ ସହ ମନ
ଆଜି ଏ ସଂସାରେ ଏତ ବଡ ପ୍ରଶ୍ନ ?