ବ୍ୟଙ୍ଗ ଦୃଷ୍ଟି - ରାକ୍ଷୀ

ଥିଲି ଭାଗ୍ୟବାନ  ଭାଇଟିଏ ମୁହିଁ

   ଧରମ ଭଉଣୀ ହଜାର

ରାକ୍ଷୀ ପୁନେଇଁରେ ସକାଳୁ ସକାଳୁ

   ହେଉଥିଲେ ସବୁ ହାଜର

   ସମ୍ପର୍କ ତ' ବର୍ଷ ବର୍ଷର,

ମନା ମୁଁ କରେନି କେବେବି କାହାକୁ

   ପରକୁ ଭାବି ମୁଁ ନିଜର।

ଡାକରେ ନୁହେଁ କି ହାତରେ ବି ନୁହେଁ

   ରାକ୍ଷୀ ମିଳିଲାନି ଏଥର

ଥିଲେ ଯେତେ ମୋର ଧରମ ଭ‌ଉଣୀ

    ଦରଶନ ନାହିଁ କାହାର

   କରୋନା ଦେଇଛି ପାହାର,

ସମ୍ପର୍କଟା ଏତେ ମାନ୍ଦା ହେବ ବୋଲି

    କିଏ ଜାଣିଥିଲା ଏଥର!

ଆଙ୍ଗୁଠି ଠାରୁ ଯେ କାନ୍ଧ ଯାଏ ମୋର

    ରାକ୍ଷୀ ରହୁଥିଲା ଫୁଉଲୁ

ଲକଡାଉନ୍ ଟା    ବିଚ୍ଛେଦ କରିଲା

    ସମ୍ପର୍କ କୁ କଲା କୁଉଲୁ,

    ମୋ'ର ବା' କି ଭୁଉଲୁ,

ନିଜକୁ ବୁଝାଏ     ଆର ବର୍ଷ ଯାଏଁ

    ଖାଲି ହାତ ଧରି ବୁଉଲୁ।