ଝୁଲରେ ନିତାଇ ଝୂଲ୍

ଝୁଲରେ ନିତାଇ ଝୁଲ ଆସି ଅଛି ଏହି ଦୋଳ

ଦୋଳ ଉତ୍ସବରେ ଦୋଳ ବିମାନରେ ଚଳ ।

ଭରୁଆ କାନ୍ଧରେ ବିମାନ କନ୍ଧେଇ ବୁଲେ

ବସିରେ ନିତାଇ ହଲି ଝୁଲି ଝୁଲି ଚାଲେ ।

ଭକତ ମାନେ ଲୋ ନାଚି ନାଚି ଗୀତ ଗାଇ

ଦୋଳ ମଣ୍ଡପରେ ଯାତ ମେଲଣରେ ରହି ।

ବାଜା  ଗିନି  ଖୋଳ  ଶଙ୍ଖ  ବଜାଇ ବଜାଇ

ବାଇଦ ବଜା ର ମଜା ଚାଲି ଥାନ୍ତି ଉଠାଇ ।

ଆରେରେ ନିତାଇ ଆରେରେ ନିତାଇ ହଲି

 ଝୁଲି ଝୁଲି ଚାଲେ ନାଚି ନାଚି ଖେଳେ ହୋଲି ।

ରାଧା କୃଷ୍ଣ ଲୀଳା ରାସ ରସ ଲାଗେ ମିଠା

ମନ୍ଦିର ମଣ୍ଡପେ ସାଜ ସଜ୍ଜା ଦୋଳ ଯାତ୍ରା ।

ଫଗୁ ଖେଳରେ ମାତିରେ ସେ ସର୍ବେ ତୃପ୍ତିରେ

 ଅଭିନୟ ଲୀଳା ନୃତ୍ୟ  ଗୀତ ଓ କଳାରେ ।

ହରନ୍ତି ଯେତେକ ଭକତ ଜନଙ୍କ ମନ

ନାଚି ନାଚି ଗୀତ ଗାଇ ତ।କ୍ ଧିନା ଧିନ୍ ।

ତାଧିନି ତାଧିନୀ  ତାକ ଧିନି ଧେଇ କି ଧିନ

ଧୈ ଧିନ। ଧାଇଁ ଧିନା ଧିନି କି ଧିନା ଧିନ ।

ଥେଇ କି ଥୈ ଧେଇ  ଖୋଳ ବଜାଇ ବଜାଇ

ହରେ ରାମ ହରେ କିଷିନ ଚାଲନ୍ତି ଗାଇ ଗାଇ ।

ଝୁଲରେ ନିତାଇ ଝୁଲ ଦୋଳ ପୂର୍ଣ୍ଣିମାରେ ଫୁଲ୍

ଝୁଲି ଝୁଲି ହଲି ହଲି ଚାଲରେ ନିତାଇ ବୁଲ୍ ।

ବୁଲି ବୁଲି ଗାଆଁ  ସାଇ ସହର ବଜାର 

ଦୋଳ ଉତ୍ସବ ଏ ଆହା କେତେ ମନୋହର ।

ଫଗୁଣ ଦଶମୀ ଠାରୁ ପୂର୍ଣ୍ଣମୀ ପର୍ଯ୍ୟନ୍ତ

ଦୋଳା  ଖେଳା  ଲୀଳା ଚଳେ ନାଚନ୍ତି ଭକତ ।