ବର୍ଷା ଓ ବସନ୍ତ

ମୋ ଲୋଡିବା ପଣରେ

ଆକାଶ ତ ଉଛୁଳିଲା ନାହିଁ,

ସମୁଦ୍ର କୂଳରେ ଖୋଜୁଥିଲି 

ମୋ ହଜିଲା ପାଦଚିହ୍ନ,

ଲହଡିକୁ ପଚାରିଲି

ଦେଖିଛୁ କି ନାହିଁ ? 

ମୋ ଓଦା ଓଦା ପାଦଚିହ୍ନ

ସଖୀ ସହ ବୁଲି ବୁଲି

ଛାଡି ଯାଇଥିଲି ବାଲୁକା ଶେଯରେ

ପବନରେ ମିଶିଥିଲା

ତା ଦେହର ମଧୁଗନ୍ଧ

ଯାହାକୁ ମୁଁ ସାଥେ ନେଇନାହିଁ I

ସେ କହିଲା 

ତୁମେ ବୋଧହୁଏ କବିଟିଏ,

ସମୟ ନଈରେ ହଜାଇ ଦେଇ

ମିଛଟାରେ ଏଠି ଆସି

ଖୋଜିହୁଅ ହଜିଲା ଅତୀତ,

ତୁମ୍ କଣ ଜାଣନାହିଁ ? 

ଦୁଇଟି ଅଲଗା ଋତୁ

"ବର୍ଷା ଓ ବସନ୍ତ"