Library
ବର୍ଷା ବର୍ଷା ବର୍ଷା
ବର୍ଷା ବର୍ଷା ବର୍ଷା
ବର୍ଷା ବର୍ଷା ବର୍ଷା
ଲଗାତର ବରଷେ ତୁହାକୁ ତୁହା
ବରଷି ଯିବାରେ ନାହିଁ ସୀମା
ଜନ ଜୀବନ ଅସ୍ତବ୍ୟସ୍ତ
ତୁଟି ଯାଏ ମଣିଷର ଆତ୍ମ ଭରସା
ବର୍ଷା ବର୍ଷା ବର୍ଷା
ଚାରିଦିଗ ଧବଳ ଜଳମୟ
ଜଳବନ୍ଦୀରେ ବସ୍ତି ଅଞ୍ଚଳ
ଯୋଗା ଯୋଗ ସବୁ ବିଚ୍ଛିନ୍ନ
ନିରୁପାୟେ ଘରେ ବସି ବସି
ଦୁରବସ୍ଥାରେ ସଭିଏଁ ଭୋଗନ୍ତି ଦୁର୍ଦ୍ଦଶା
ବର୍ଷା ବର୍ଷା ବର୍ଷା
ନଈରେ ବଢ଼ି ପାଣି ଆସେ ବଢ଼ି ବଢ଼ି
ପୋଲ ଉଛୁଳା ଜଳସ୍ରୋତ
ଏ କୂଳରୁ ସେ କୂଳ ଯାଏ ଲମ୍ବି
ତାଣ୍ଡବ ରଚ଼େ ନାହିଁ ତାର ମୀମାଂସା
ବର୍ଷା ବର୍ଷା ବର୍ଷା
ଲଘୁଚାପ ପରେ ଲଘୁଚାପ
ଘୂର୍ଣ୍ଣି ବଳୟରୁ ହୁଏ ଝଡ଼ ତୋଫାନ
କ୍ଷେତ ବାଡ଼ି ଯାଏ ବୁଡ଼ି
ଧୋଇ ମରୁଡିରେ ଆତଙ୍କିତ ଚଷା
ବର୍ଷା ବର୍ଷା ବର୍ଷା
ବୃଷ୍ଟି ବହୁଳେ ସୁନ୍ଦର ସୃଷ୍ଟି
ଯାଏ କିବା ରସାତଳ
ପ୍ରଭାବିତ ହୁଏ ସାରା ଜୀବଜଗତ
ଭୋକ ଉପାସରେ ଉଡ଼େ ହଂସା
ବର୍ଷା ବର୍ଷା ବର୍ଷା
ଆକାଶଟା ଗାଢ଼ ଦିଶେ ମେଘ ଭର୍ତ୍ତି
ବିଜୁଳି ଘଡ଼ଘଡ଼ିରେ ଥରେ ବସୁଧା
ଅନ୍ଧାର ଅନ୍ଧାର ଦିନସାରା
ସମାଧାନ ତାର ହୁଏ ନାହିଁ ସହସା
ବର୍ଷା ବର୍ଷା ବର୍ଷା
ବରଷା ଅଭାବେ ମରୁଡ଼ି
ବରଷା ବହୁଳେ ଧରା ଯାଏ ଉଜୁଡ଼ି
ଧନ୍ୟ ସୃଷ୍ଟିତତ୍ତ୍ବର ମହିମା
ବୁଝି ହୁଏନା ସଂସାରର କ୍ଷୁଧା ତୃଷା
ବର୍ଷା ବର୍ଷା ବର୍ଷା ।
