Library
Profile
ବରଷା ଆସିଛି ବର୍ଷା ନେଇ
ବରଷା ଆସିଛି ବର୍ଷା ନେଇ
ବରଷା ଆସିଛି ବର୍ଷା ନେଇ,
ତୁହାକୁ ତୁହା ବାରିଦ ଖସେ ।
ବାଦଲ ଯାଉଛି ବେଗେ ବେଗେ ଧାଇଁ ,
ବିଜୁଳି ବ୍ୟାକୁଳ ଆସିବାକୁ ଧରଣୀ ପାଶେ ।
ବଣେ ଛାନିଆ ବାଘ ମାମୁଁ ଏଠି ,
ବଜ୍ରପାତର ଛନକା ମନେ ତା' ପଶେ ।
ବିଲୁଆ କହିଲା ଡରିବା କିଆଁ ଛାମୁ ,
ବନ ଆମ ସାଥି ଆମେ ପରା ତା'ର ଉଆସେ ।
ଭୟ ନ କରି ଆସ ଶିଖିବା,
ବଜ୍ରପାତକୁ କିଭଳି କିପରି ଏଡାଇ ପାରିବା ।
ବାଘ ବିଲୁଆ ମିଶି ସଭା ଡାକିଲେ,
ଜୀବଜନ୍ତୁ ଯେତେ ସବୁ ଏକାଠି ହେଲେ।
ବିଚାରିଲେ ସଭିଏଁ, ମତ ରଖିଲେ ଜଣ ଜଣ,
ତାଳ ଗଛଠୁ ଦୂରେ ରହିବାକୁ କରିଲେ ପଣ ।
ଖୋଲା ପଡ଼ିଆ ଦେଖି ନେଇ ପାରିବେ ଆଶ୍ରୟ,
>ଗୁମ୍ଫା ଭିତରେ ଶୋଇବା ବରଂ ଆହୁରି ଶ୍ରେୟ ।
ଫେରୁଥିଲେ ସଦସ୍ୟ ଗଣ ସଭା ସରିଲା,
ବଗୁଲି ଛୁଆ ଜୋରକରି ରାବ ଛାଡିଲା।
ବୁଲି ଚାହିଁଲେ ପଶୁପକ୍ଷୀ ଯେତେ ମୁହଁକୁ ତା'ର,
କହିଲା ଶିଖିବ ବର୍ଷା , ବିଜୁଳି, ବଜ୍ରପାତର 'ବ' ଅକ୍ଷର ।
ବେଙ୍ଗୁଲି ଆସିଲା କେଁ କଟର କରି,
ଧରିଥିଲା ହାତେ ଛତୁଟିଏକୁ ଛତା ପରି ।
ଝରିପଡିଲା ଉପରୁ ଜାମୁକୋଳି ମୁହଁକୁ ମାଡ଼ି,
ଭାଙ୍ଗିଲା ଛତୁର ଡେମ୍ଫ ରଖିଦେଲା ପାଖେ ତା ଯୋଡ଼ି।
ଛତୁର ଛତାକୁ ରଖିଲା ଜାମୁ ଉପରେ,
ଏଥର ବେଙ୍ଗୁଲି କହିଲା ଦେଖ ଲେଖିଛି ' ବ ' ଏଠାରେ।
ଉଡିଗଲା ବଗୁଲି ଛୁଆ ମନ ହରଷେ,
ବାହୁଡିଲେ ଯେ' ଝା ବାଟେ ହର୍ଷ ଉଲ୍ଲାସେ ।।
