ବିବାହ
ବିବାହ
ଦୁଇଟି ଚିହ୍ନା ଅଚିହ୍ନା ହୃଦୟ, ପ୍ରାଣ ତଥା ଶରୀରର,
ଅନ୍ତର୍ମିଳନକୁ ପବିତ୍ରତାର ସହ ସ୍ବୀକୃତି ପ୍ରଦାନ କରୁଥିବା,
ଈଶ୍ୱରଙ୍କ ନିର୍ଦ୍ଦେଶିତ ସାମାଜିକ ବନ୍ଧନ ଟିଏ ବିବାହ,
ବାନ୍ଧି ଦିଏ ଦୁଇ ଭିନ୍ନ ପରିବାରକୁ ଓ ପରମ୍ପରାକୁ ।
ଯୌବନ ଆଗମନେ ଚଞ୍ଚଳ ଚପଳ ଇସ୍ତୁକ ବନେ ,
ଭାବାବେଗର ସମ୍ପ୍ରସାରଣ ଘଟେ ନେତ୍ର ଆକର୍ଷଣେ,
ଅସ୍ଥିର ମନ ସନ୍ଧାନ ଯାଏ ସ୍ଥିରତା ର ଗନ୍ତାଘର,
ଲକ୍ଷ ସ୍ଥଳ ହୁଏ ଝଲମଲ ରୋଷଣୀ ବାଦ୍ୟର ନୃତ୍ୟ ବାଣେ ।
ଭାରାକ୍ରାନ୍ତ ପିତୃ ସ୍କନ୍ଧ ହାଲୁକା ହୁଏ କନ୍ୟା ଭାର ଦାନେ,
ସ୍ନେହ ସଂସ୍କାରର ପୁଟୁଳି ନେଇ ବିଦାୟ ପାଏ ପରିଜନେ,
ସ୍ମୃତିରେ ସାଇତି ଜୀବନର ଅର୍ଦ୍ଧେକ ମନମତାଣିଆ ପଣ,
ପର ଅଗଣାରେ ଆପଣାର ଫୁଲ ହୁଏ ବାକି ଜୀବନେ ।
ଆଦର ଦେଇ ଆଦର ପାଇବା ସହଜ ନ ହୁଅଇ ଯେବେ ,
ବିବାହ ଶବ୍ଦଟି ଅସ୍ତିତ୍ବ ହରାଇ ନାମକୁ ମାତ୍ର ରହିଯାଏ ତେବେ,
ମା'ର କୋଳ ବାପାଙ୍କ ଛାଉଣୀ ଲାଗେ ଭାରି ପର,
ଦୁହିତା ର ଦୁଇ କୂଳ ବନ୍ଧ ଭାଙ୍ଗି ସ୍ରୋତରେ ମିଶିଯାଏ ତେବେ।