ବନ୍ଧୁ ମିଳନ

ବନ୍ଧୁ ମିଳନ ଏକ ସୌଭାଗ୍ୟ ଦିନ

ଅଢେଇ ଦିନ ସ୍ବପ୍ନରେ ବାସ୍ତବ ଚନ୍ଦନ।

ବନ୍ଧୁ କଥା ପଦେ ତୁଟେ ଅଭିମାନ

ବନ୍ଧୁ ପଣେ କୃଷ୍ଣ ସୁଦାମା ଉଦାହରଣ ।

ସୁଖର ସରସୀ ପୂର୍ଣ୍ଣକଳସୀ ବନ୍ଧୁ ଦର୍ଶନ

ମନ କଥା ଖୋଲି କହିଦେଲେ ଦୁଃଖ ହରଣ ।

ସଖା ସହୋଦର ବନ୍ଧୁ ଠାରେ ମନ

ବନ୍ଧୁ ଟିଏ ଯିଏ ପାଇଛି ସେ ଭାଗ୍ୟବାନ ।

କେବେ ଅସମ୍ମାନ କରେନା ହୃଦଚନ୍ଦନ

ପଛାଏନା ବନ୍ଧୁ ଦେବାକୁ ସୁସମ୍ମାନ ।

ବନ୍ଧୁ ପରି ଜଣେ ବନ୍ଧୁ ଶୀତଳ ଚନ୍ଦନ

ବନ୍ଧୁମେଳେ ମିଳେ ଶାନ୍ତି ପ୍ରୀତି ସୁମନ ।

ବନ୍ଧୁର ପଥରେ ବନ୍ଧୁଟିଏ ତୋଳେ ଫଗୁଣ

ଦୁଃଖ ନଈରେ ସୁଖର ଧାରା ଶ୍ରାବଣ ।

ଭାଗ୍ୟ ଅନୁକୂଳ କରେ ବନ୍ଧୁ ଦର୍ଶନ

କଥାରେ କୈବଲ୍ୟ ଅମୃତ ହୃଦସ୍ପନ୍ଦନ ।

ସୁଖସାରଣୀରେ ବନ୍ଧୁଟେ ସମ୍ମୋହନ

ବନ୍ଧୁ ଯିଏ ସିଏ ଡେଇଁ ପାରେ ବାଧା ବନ୍ଧନ ।

ବନ୍ଧୁ ମିଳନ ସୌହାର୍ଦ୍ୟ ବାତାବରଣ

ସୁଖ ଦୁଃଖ ପରସ୍ପର ଆଦାନ ପ୍ରଦାନ ।

ଦେଖିଦେଲେ ଭାଙ୍ଗେ ସାତପାହାଡ଼ ଅଭିମାନ

ବନ୍ଧୁହେ ତୁମକୁ ଅଭିନନ୍ଦନ ଅଭିନନ୍ଦନ ।