ବିରହ ଗୀତ
ବିରହ ଗୀତ
ଅବରୁଦ୍ଧ ଅଭିମାନ
ଯେତେବେଳେ
ସଂଚରିଯାଏ
ହୃଦୟର ଅଦେଖା କନ୍ଦରେ
ବିରହ
ହୋଇଯାଏ
ଚମତ୍କାର ଗୀତ
ତୁମେ ସେତେବେଳେ ହୋଇଯାଅ
ସ୍ପଷ୍ଟ ଦିବାଲୋକ ପରି
ସ୍ବଭାବିକ
ଚଳ ଚଞ୍ଚଳ ମୋ ଭିତରେ।
ଦୋହଲି ଯାଏ ମଞ୍ଜ
ଚାରିକାନ୍ଥ
ଉତ୍କଣ୍ଠିତ ଆବେଗ ମୋର
ଉତୁରୀ ଆସନ୍ତି ଭାତ ହାଣ୍ଡି ପେଜ ପରି
ତୁମ ସ୍ପର୍ଶ ,ସାନିଧ୍ୟ
ମନେ ଆଣେ ଫଗୁଣ ଅବିର।
ଋତୁମାନେ ଋତୁମତୀ ହୋଇ
କୁହନ୍ତି ଲୋ ଫୁଲେଇ
ଜୀବନ ତ
ଅନୁଭବର
ଜୀଇଁବାର
ପ୍ରସବ ବେଦନାରେ ଛଟ ପଟ ହେବାର ନାଁ।