ବିଲେଇ ନାନୀର ବାହାଘର

ବିଲେଇ ନାନୀର ବାହାଘର 

ମୂଷା ଭାଇନା ସାଜିଛି ବର 

ହୋଇଛି ଭୋଜିଭାତ 

ଆସ ସଙ୍ଗାତ ଆସରେ ମିତ 

ଗାଇବା ଆମେ ଗୀତ ।।

ମୂଷା ଭାଇନା ବର ବେଶରେ 

ରୋଷଣୀ କରି ଆସେ 

ବିଲେଇ ନାନୀ ଚାହିଁ ବସିଛି 

ସାଜି କନିଆଁ ବେଶେ ।।

ଆସରେ ଯିବା ଏକାଠି ବୁଲି 

ବିଲେଇ ନାନୀ ଘର 

ବାଜିବ ଶଙ୍ଖ ମହୁରୀ ବାଜା 

ଦେଖିବା ବାହାଘର ।।

ଖାଇବା ବସି ମନ ଖୁସିରେ 

ଏକାଠି ଭୋଜିଭାତ 

ବାହାଘରରେ କରିବା କାମ 

ହାତେ ମିଳାଇ ହାତ ।।

ରାତି ପାହିଲା ସକାଳ ହେଲା 

ସରିଲା ବାହାଘର 

ବିଲେଇ ନାନୀ କନିଆଁ ଆମ 

ମୂଷା ଭାଇନା ବର ।।

ସବୁ ସରିଲା ହେବରେ ଏବେ 

ବର କନିଆଁ ବିଦା 

ବିଲେଇ ନାନୀ ଆଖିରୁ ଲୁହ 

ଝରଇ ଗଦା ଗଦା ।।

ଗାଡ଼ିରେ ବସି ବିଲେଇ ନାନୀ 

ଶାଶୁ ଘରକୁ ଯିବ 

ନାନୀ ଆମର ଭାରି ସୁନ୍ଦର 

ତା'ପରି କିଏ ହବ ।।