ବିଜନତା

କରୋନା ଭୟରେ ଏବେ

କଟକଣା ସବୁଠି

ସାମାଜିକ ଅନୁଷ୍ଠାନେ

ବିଜନତା ରାଜୁତି ।

ମନ୍ଦିର କି ମସଜିଦ

ଉପାସନା ପୀଠ

ଖାଁ ଖାଁ ଲାଗେ ଏବେ

ଗୀର୍ଜାଘର ମଠ ।

ପଡୁନି ତାଆସ ପାଲି

ଜମୁନାହିଁ ଖଟି

ବୁଢାଙ୍କର ବଇଠକି

ଟୋକାଙ୍କର ପାର୍ଟି ।

ସଙ୍କ୍ରମଣ , ମୃତ୍ୟୁ ସ°ଖ୍ୟା

ନିଇତି ବଢୁଛି

ଦୁଃଖ ଆଉ ସନ୍ତାପରେ

ଦୁନିଆ ଷଢୁଛି ।

ଦଶହରା ସରିଗଲା

ଗଲା ଦୀପାବଳି

"ବିଜନତା" ପୂଜାମଜା

ସବୁଦେଲା ଜାଳି ।

ଏବର୍ଷ ହୋଇଲେ ପ୍ରଭୁ

ନାଗାର୍ଜୁନ ବେଶ

ଶ୍ରୀମନ୍ଦିରେ ହେଲାନାହିଁ

ଭକ୍ତ ସମାବେଶ ।

ହେଲାନାହିଁ ବାଲିଯାତ୍ରା

ଅବା ଡଙ୍ଗା ଭସା

ସବୁ ପର୍ବ ପର୍ବାଣୀରେ

ଘୋଟୁଛି ନିରାଶା ।

ବିଜନତା ବଢାଉଛି

ମାନସିକ ଚାପ

ସେକଥା ବୁଝିବ କାହୁଁ

କରୋନାର କୋପ ।

ସାମାଜିକ ପ୍ରାଣୀ ଏବେ

ମାପୁଛି ଦୂରତା

ମହାମାରୀ ହଟିବାକୁ

ଲୋଡା "ବିଜନତା" ।