ସ୍ଵୀକୃତି
ସ୍ଵୀକୃତି
ଆଖିର ଲୁହରେ ଜାଳି ହୃଦୟ ସଳିତା
ମେଘମେଦୁର ରାତିରେ ,
ଅନେକ ନିଃଶବ୍ଦ ରାତ୍ରି ଉଜାଗର ରହି
ଲେଖେ ସାଧା କାଗଜରେ ।
ଶବ୍ଦ ଯାଦୁକରୀ ମଧ୍ୟେ ରଙ୍ଗ ରୂପ ଭରି
ବଖାଣିଛି କିଛି କିଛି ,
ତଥାପି ଅହେତୁକ ମନ ଆଶଙ୍କାରେ ତ
କେବେ ଶିହରି ଉଠିଛି ।
ବୁଝେନା ବୋଲି ତ କିଛି ସମୟ କହୁଛି
ମନ ଅଟକି ଯାଇଛି ,
ମନ ମଧ୍ୟେ ଠୁଳ ଅଛି ଅଭିମାନ ଯେତେ
ଚିରା କାଗଜେ ରହିଛି ।
ଆଶାହୀନ, ଦିଶାହୀନ ବ୍ୟାକୁଳିତ ପ୍ରାଣ
ଭଗ୍ନ ବୁକୁ ତଳ ସ୍ଫୀତି ,
ସ୍ମୃତି ସୌଧକୁ ଲେଖିବା ପାଇଁ ଲୋଡାନାହିଁ
ମୋର କାହାର ସ୍ଵୀକୃତି ।।