ବିବସ ପ୍ରାଣର ଗାଥା

କେ ଦେଖିଛ କୁହ ସ୍ୱପ୍ନର ସହର

କେ ଦେଖିଛ ଜହ୍ନରାତି

କେ ଦେଖିଛ କୁହ ଆଖିର ଅନ୍ଧାର

ଛଳ ଛଳ ଏକ ଛାତି I

ନୀରିହ ପ୍ରାଣର ବିବସତା ଯଦି 

କେ ଶୁଣିଛ ମୋତେ କୁହ

ଅଶାନ୍ତ ମନରେ ଝଡ ଉଠେ ଯେବେ

ଆଖି ଢାଳିଦିଏ ଲୁହ I

କଥାରେ ତୁମର ଅସରନ୍ତି ପ୍ରଶ୍ନ

ହଜି ହଜି ଯାଏ ମନ

ଯନ୍ତ୍ରଣାସିକ୍ତ ହୃଦୟ ତଳେ ମୋ

ଅସରନ୍ତି କ୍ଷତଚିହ୍ନ I

ତୁମ ଆଖି ଲୁହ ମୋ ଲୁହ ସହିତ

ମିଶି ହୋଇଥିଲା ନଈ

ଦେଖ ଆଜି ସେହି ଆଖି ତଳେ ମୋର

ବେଦନାର କଳାଛାଇ I

ସ୍ୱପ୍ନ ମୋର କେବେ ଭାଙ୍ଗିବନି ସଖୀ

ଭାଙ୍ଗିବନି ମୋର ନିଦ

ହର୍ଷୋଲ୍ଲାସ ଭରା ମନତଳେ ମୋର

ଭରିବନି ଅବସାଦ I

ମେ ମନ ଆକାଶ ନୀଳିମା ଲୋ କେବେ

ହେବନାହିଁ ବାଟବଣା

ନୀଳ ନିଶିଥର ନିର୍ଜନ ପ୍ରହରେ

ମନ କରିବନି ଉଣା I