ଲାଇବ୍ରେରୀ
ପ୍ରୋଫାଇଲ୍
ଭଲ ପାଇବାର ଭାଷା
ଭଲ ପାଇବାର ଭାଷା
1 min
330
ବିନା ବସନ୍ତରେ ମଳୟ ପବନ
ବିନା ସୂରୁଜରେ ଗ୍ରୀଷ୍ମ,
ବିନା ବରଷାରେ ମନ ଓଦା ହୁଏ
ନା ବୋଧେ ତା'ର ପ୍ରେମ !
ବିନା ଚନ୍ଦ୍ରମାରେ ଚାନ୍ଦିନୀ ରାତି ତ
ବିନା ରଙ୍ଗେ ଖେଳେ ହୋଲି,
ବିନା ବାଦଲ ରେ ମୟୂର ନାଚୁଛି
ନାନାରଙ୍ଗୀ ପୁଚ୍ଛ ଖୋଲି !
ବିନା ଆଖି ଖୋଲି ତୋତେ ମୁଁ ଦେଖୁଛି
ଶୁଣେ ତୋତେ ବିନା କାନେ,
ଅନୁମତି ବିନା ଘର କରି ନେଲୁ
ମରୁଭୂମି ମୋର ମନେ.!
ବିନା କହି ତୋତେ ଭଲ ମୁଁ ପାଉଛି
ବିନା ପାଇବାର ଆଶା,
ବିନା ବିଳମ୍ବରେ କେବେ ତୁ ବୁଝିବୁ
ଭଲ ପାଇବାର ଭାଷା.!
