ଭକ୍ତିଅର୍ଘ୍ୟ
ଭକ୍ତିଅର୍ଘ୍ୟ
ହେ ଅନାଦି ସକଳ ଘଟସ୍ଥ ନାରାୟଣ ପରମ କାରଣ l
କାହିଁକି କରୁନା ଆମ ଧରାବାସୀଙ୍କ ମନସ୍କାମ ପୂରଣ l
ଅକାଳ ମରଣ ଦୈବୀ ଅଭାବ ଅନାଟନ ଦୁର୍ବିପାକ l
କରୁଛି ଆଜି ସଭି ବିଶ୍ଵବାସୀଙ୍କୁ ପୂର୍ଣ୍ଣ ସର୍ବଦା ହତ ବାକ l
ଏକବିଂଶ ଶତାବ୍ଦୀର ଚୀନା ମହାମାରୀ ହେଲା ଆମକୁ କାଳ l
ଛଡ଼ାଇ ନେଲା ଆମଠୁଁ ଭାବ ପ୍ରିତି ଆଦାନ ପ୍ରଦାନ ଚିରକାଳ l
ରୋଗ ପ୍ରତିକାର ଔଷଧ ଅଭାବେ ବ୍ୟାକୁଳେ ଅଛନ୍ତି ନର l
ମୁହଁ ହାତ ଧୋଇ ଦୂରତା ରଖି ମୁଖେ ତୁଣ୍ଡି ବାନ୍ଧି ବାରମ୍ବାର l
ଟୀକାକୁ ଅପେକ୍ଷା କରି କରି ଲୋକେ ଆଖିରୁ ଶୁଖାନ୍ତି ପାଣି l
ଆମ ସାଧ୍ୟାତିତ ଏହି ମହାମାରୀ ହଜାଇ ଦେଲାଣି ଆମ ଠାଣି l
ମୁଲିଆ ବାପୁଡ଼ା ବଡ଼ ହନ୍ତସନ୍ତ ଭୋଗନ୍ତି କଷ୍ଟ ହୋଇ ଦହଗଞ୍ଜ l
ମିଳେ ନାହିଁ ମୁଲ ମିଳେନାହିଁ କାମ ଢୋକେ ଖାଇ ବଞ୍ଚି ଅଖଞ୍ଜ l
ଛାତ୍ର ଛାତ୍ରୀବୃନ୍ଦ ବିଦ୍ୟାଭ୍ୟାସ ବିନା ଘରେ ବସି ଆଜି ହଇରାଣ l
ଆକାଶଜାଲ ମଧ୍ୟମେ ଅଧୟନରତ ଆମ ଭାବୀ ଦାୟାଦ ଗଣ l
ଗୁରୁଗୁରୁମାମଣ୍ଡଳୀ ହେଲେ ଶିକ୍ଷାଦାନୁ ବଞ୍ଚିତ ସହି ବହୁ କଷଣ l
ଦୂରଭାଷ ମାଧ୍ୟମେ କରି ଶିକ୍ଷା ଦାନ କରୁଛନ୍ତି ମହାପୁନ୍ୟାର୍ଜନ l
ଦୂରଯାତ୍ରୀ ଚାକିରିଆଗଣ ଭୋଗିଲେ ହୀନସ୍ଥା ନପାଇ ଯାନ l
ଏବେ ଟିକେ ସେମାନଙ୍କ ପଡ଼ିଲା ଭଲ ଚାଲିବାରୁ ଯାନବାହାନ l
ଖାଦ୍ୟପେୟ ସବୁ ବ୍ୟତିକ୍ରମ ସ୍ୱାସ୍ଥ୍ୟ ହାନୀକଲା କରୋନା l
ରକ୍ଷା କରୁଛି ସର୍ବ ସାଧାରଣଙ୍କୁ ଆମ ପତିତ ପାବନ ବାନା l
ହେ ନୀଳାଚଳ ବାସୀ କରୁଣାକର ଢାଳ ଟିକେ ପ୍ରଭୁ କୃପାବାରି l
ରକ୍ଷାକର ବାରେ ରୋଗ ବିନାଶି ଦେଇ ସ୍ୱାସ୍ଥ୍ୟଶାନ୍ତି ହେ ମୁରାରୀ
ବିନମ୍ର ପ୍ରାର୍ଥନା କର ବାରେ ଘେନା ଆହେ ପ୍ରଭୁ ଚକା ଡୋଳା l
ସୁଦର୍ଶନଚକ୍ରବଳେ ଅବିରତ କାଟ ଅରାତି ଶିର ନକରି ହେଳା l