ଟଙ୍କା ବିଡ଼ା

      ଟ ଙ୍କା ଵି ଡ଼ା 

❤❤❤❤❤❤❤

ଟଙ୍କା ଟଙ୍କା ଟଙ୍କା,ଚାରିଆଡ଼େ ଦେଖ ତାର ଜୟଗାନ,ମୁହଁ କରିଦିଏ ସେ ବଙ୍କା,

କରି ପକାଏ ପୁଣ୍ୟାତ୍ମା ବିଶ୍ୱବାସୀଙ୍କ 

ବିବେକ ପାଗଳ ନୃସାରସ ସଦୃଶ ଅର୍ଥ-ମୀନ-ରଙ୍କା l

ଟଙ୍କା ନିଶାରେ ଭୁଲନ୍ତି ଆଧୁନିକ ମାନବେ 

ମନେ ପଡ଼େନା ଜମା ମୁରଲୀଫୁଙ୍କା,

ଲଭନ୍ତି ପ୍ରତିଷ୍ଠା ନିଜର ନୈତିକ ମଣି ବିନିମୟେ ଟଙ୍କାର ଲାଳସେ ତୀବ୍ର ପ୍ରବୃତ୍ତି ଝୁଙ୍କା l

ଦିନ ରାତି ଟଙ୍କା ର ଟାଣୁଆ ନିଶା 

ବୁଦ୍ଧି ସୁଧୀ ହୁଏ ସବୁ ଫସର ଫସା 

ଆହା ମୋ ଯୁଗ ଧରମ କେଡ଼େ ବଡ଼,

ହୃଦୟକୁ କରେ ସାନ ଫୁଟାଣି କରେ ବଡ଼ l

ତୁମେ ପୂରେଇଛ ମନେ ଲୋକଙ୍କ 

ଜୀବନ ଶୈଳୀର ଜଡ଼ବାଦୀ ପ୍ରତିଷ୍ଠା ମୋହର 

କଳଙ୍କ,

ନଶିଖେଇ ଜୀବନର ମୂଲ୍ୟ ଆଦୌ 

"ସ୍ୱାସ୍ଥ୍ୟ ହଁ ପରମ ସମ୍ପଦ" ର ଲୟ, 

"ମାନବିକତା ହିଁ ପରମ ଧରମ" ଦେଇଛ ବିଗାଡ଼ି ଜନଗଣେ ବିଷାଦେ ଜଳାଇ ବଡ଼ ଠାକୁରଙ୍କ ହୃଦୟ l

ହେ କଳି ଯୁଗ! ଥାଅ ପଛେ ତୁମେ ଧରା ପୃଷ୍ଠେ ମହାପ୍ରଳୟ ଯାଏଁ,

କର ଟିକେ ନିଉନ ତୁମର ପ୍ରଭାବ 

ପଚାରି ବ୍ରହ୍ମାଣ୍ଡ ପରମେଶ୍ୱରଙ୍କୁ 

ଆପଣା ଛାଏଁ l

[ କବି : ©ଅବଧୂତ ପଣ୍ଡା, କଟକ ତା.୧୨. ୦୫. ୨୦୨୬ ]

💚💚💚💚💚💚💚💚