ଭିନ୍ନ ଏକ ଯାଜ୍ଞସେନୀ

ଭାରତ ବର୍ଷର            ରାଷ୍ଟ୍ରପତି ଆଜି

          ଭିନ୍ନ ଏକ ଯାଜ୍ଞସେନୀ

ଆଦିବାସୀ ଘରୁ       ବିଶ୍ବ ଦରବାରେ

          ଉଭା ସେଇ ବିଜୟିନୀ l

ଉତ୍କଳ ପ୍ରଦେଶ           ମୟୂରଭଞ୍ଜ ର

          ବାଇଦାପୋଷି ଠାରେ

ଆବିର୍ଭାବ ହେଲେ     ସେ ମହା ମହିମ

             ସାନ୍ତାଳି ପରିବାରେ l

ପୁତି ଟୁଡୁ ଥିଲା           ପିଲା ଦିନ ନାଆଁ

        ତାପରେ ହେଲା ଦୁର୍ପାତି

ସ୍କୁଲ୍ ରେ ଶିକ୍ଷକ   ନାଆଁ ଦେଲେ ବୋଲି

           ହେଇଗଲେ ଦ୍ରୌପଦୀ l

ଉବରବେଡ଼ା          ପ୍ରାଥମିକ ଠାରେ

            ସପ୍ତମ ପର୍ଯ୍ୟନ୍ତ ପଢ଼ି

ତା' ପରେ ୟୁନିଟ୍     ଟୁ ବାଳିକାରେ

             ମାଟ୍ରିକ ଥିଲେ ଚ଼ଢ଼ି l

ରମାଦେବୀ ବିଶ୍ବ   ବିଦ୍ଯାଳୟେ ସିଏ

              ସ୍ନାତକ ପାଠ ସାରି

ରାଇରଙ୍ଗପୁରେ   ପୌରାଧ୍ୟକ୍ଷା ଥିଲେ

            ନିର୍ବାଚ଼ିତ ହେଇ କରି l

ସ୍ବାମୀ ଶ୍ୟାମ ବାବୁ   ସାଥେ ଦୁଇ ପୁତ୍ର

            ଲକ୍ଷ୍ମଣ , ସିପୁନ ଥିଲେ

ଜଣ ଜଣ ହେଇ        ତିନି ବାପ ପୁଅ

            ଅବେଳରେ ବାହୁଡ଼ିଲେ l

ପିଇ ଆଖି ଲୁହ          ସମ୍ଭାଳି ନିଜକୁ

             ଝୀଅ ଇତିଶ୍ରୀ କୁ ଧରି

ଆଗେଇ ଚ଼ାଲିଲେ   ଜୀବନ ସଂଗ୍ରାମେ

               ଛାତିକୁ ପଥର କରି l

ଝାଡ଼ଖଣ୍ଡ ରାଜ୍ଯେ      ଦେଶର ପ୍ରଥମ

             ଆଦିବାସୀ ରାଜ୍ଯପାଳ

ସ୍ବର୍ଣ୍ଣାକ୍ଷରେ ଏହା      ହେଲା ଲିପିବଦ୍ଧ

             ଇତିହାସେ ଚି଼ର କାଳ l

ଆଜି ସେ ଭାରତେ    ଦେଶର ପ୍ରଥମ

             ଆଦିବାସୀ ରାଷ୍ଟ୍ରପତି

ତାଙ୍କରି ଜୀବନ       ସଂଗ୍ରାମ ଆଗରେ

             ହାର୍ ମାନିଲା ନିୟତି ll