ବେଳେ ବେଳେ ମନ ହୁଏ

 

ଶ୍ରାବଣରେ ଶ୍ରାବଣୀ ସାଜି

ଜହ୍ନରେ ଦିଅନ୍ତି ବୁଣି

ଶାଶ୍ୱତ ପ୍ରେମ୍ ନିର୍ଝରଣୀ

ଆକାଶରେ ଦିଅନ୍ତି ବିଞ୍ଛି

ମୁଁ ସାଇତି ଥିବା ପ୍ରେମ ଅମୃତ ସିଞ୍ଚି

ମଳୟରେ ମାଳବିକା ସାଜି

ସମୁଦ୍ରରେ ଦିଅନ୍ତି ପୋତି

ମୁକ୍ତା ଆଉ ମୋତି ଏକ ବା ଦୁଇ ରତି

ଢେ଼ଉରେ ବାନ୍ଧନ୍ତି ଦୋଳି

ବର୍ଷାର ମେଘପଣତରେ ତିନ୍ତି ତିନ୍ତି

ଚପଳାକୁ କରନ୍ତି ଆଲିଙ୍ଗନ

ଘଡଘଡିକୁ କହନ୍ତି ଘଡ଼ିଏ ରହ ଖୋଜେ ନିର୍ଜନ

ଶ୍ରାବଣରେ ଶ୍ରାବଣୀ ସହ ମିଶି

ଉତ୍ପନ୍ନ କରନ୍ତି ଘନ ବନର ବିହନ

ଫୁଲ ଫଳେ ସବୁ ମୋତି ମାଣିକ ଆବେଦନ

ଅରଣ୍ୟରେ ଋତୁମାନେ ଖୋଜନ୍ତେ ସପନ

ବନାନୀର ଛାଇରେ ପ୍ରଗଳ୍ଭ ହୁଅନ୍ତା ମନ

ସମୁଦ୍ରର ସୁନାମୀ ଘୁମେଇ ମାରୁଥାନ୍ତା ଘୁଙ୍ଗୁଡ଼ି

ମାଟିରେ ମିଶିଯାନ୍ତା ଦୈବ ଦୁର୍ବିପାକ ରଡ଼ି

ଭୂତାଣୁ ଜୀବାଣୁ ଭାଇରସ ସବୁ ଯାନ୍ତେ ଗ୍ରହାନ୍ତର ଛାଡ଼ି