ବାପା ମୋର ଚଳନ୍ତି ଠାକୁର

ବାପା ମୋର ଚଳନ୍ତି ଠାକୁର

ବାପା ପବିତ୍ର ଓଙ୍କାର ସ୍ବର

ବାପା ମୋର ଆଲୋକର ଶିଖା

ସ୍ନେହ ଶ୍ରଦ୍ଧା ମମତାରେ ମଖା

ବାପା ମୋ ସାହସ ଦମ୍ଭପଣ

ବୁଦ୍ଧି ବିବେକ ମୋ ଟାଣପଣ

ଆକାଶ ଠୁ ଆହୁରି ସୁନ୍ଦର

ବାପା ଆହୁରି ଉଦାର।

କଥାରେ ନିଅନ୍ତି ବାପା ମନ କିଣି

ସହଜେ ପାରନ୍ତି ଅରୀ ମନକୁ ଜିଣି

ଶିଖାନ୍ତି ସଭିଙ୍କୁ ଜୀଇବାର ସୂତ୍ର

ଚଉଦିଗେ ବିତରନ୍ତି ମମତା ମନ୍ତ୍ର

ବାପା ମୋର ପୂଣ୍ୟ ର ପୂର୍ଣତା

ଆଶିର୍ବାଦ ହୃଦୟେ ସାଇତା

ନିଶ୍ବାସ ର ଅମୃତ ପ୍ରହରୀ

ପ୍ରେରଣାର ଅଶୁଖା ଲହରୀ

ଅସରା ରତ୍ନ ଭଣ୍ଡାର ସେ ହଁ

ମୁକ୍ତା ବିନ୍ଦୁ କରୁଣାର ଝର ।

ଦୟାର ବାରିଧି ସତ୍ୟ ର ସାରଥି

ସେବାରେ ମିଳେଇ ତାଙ୍କୁ ଅପାର ଶାନ୍ତି

ମାନବ ବାଦରେ ଗଭୀର ବିଶ୍ୱାସ

ଦରଦୀ ମଣିଷ ସେ ସବୁରି ନମସ୍ୟ

ବାପା ମୋର କୁସୁମିତ ପଥ

ବାପା ମୋର ପ୍ରାର୍ଥନା ର ଗୀତ

ବାପା ମୋର ସାଧନାର ସ୍ରୋତ

ବାପା ମୋର ସିଦ୍ଧିର ସଂଗୀତ

ଆଦର୍ଶ ର ସେତ ଅବତାର

ପାଦେ ତାଙ୍କ କୋଟି ନମସ୍କାର ।