ବାଃ ବାଃ ବାଃ କେମିତି ମଜା

ବାଃ ବାଃ ବାଃ କେମିତି ମଜା

ଗଧ କବି ହୋଇ ଗାଉଚି ତାଜା !

ମନ ଇଛା ଗାଇ ଆସିଲା ଖସି

ପାଳିଆ ଚେଲାଏ ତାଳିରେ ଖୁସି !

ଧାକଡ଼ଟା ଭଲ ଭିଡ଼ିଚି ଟାଏ

ରଙ୍କ ପ୍ରେମଗୁଣ ବାହାରୁଥାଏ !

ନାରୀ ଚକରକୁ ଧଇଁଆ ସତେ

ବାନା ଧାକଡ଼ଟା ନାଚୁଛି କେତେ !

ପଛରେ ଚେହେଙ୍କା ଛତରା ବଙ୍କା

ତା ଖେଳ ଦେଖାଏ ପୁଳାଏ ଟଙ୍କା !

ଭାରି ଗହଳିକୁ ସାହିତ୍ୟ ଆଶା

ଧୂଆ କି ଅଧୂଆ ମୂଳାକୁ ମିଶା !

ଜମାଣିଆ ସତେ ସାହିତ୍ୟ ଖଟି

ଛାତିରେ ଝୁଲୁଚି ଲେଖକ ପଟି !

ବାହାରେ ଭିତରେ ଦର୍ଶକ ଲୟ

କାଢୁ କେତେ ତାଙ୍କ ଜାଣିବା ଥୟ !

ମାଂସ ଝୋଳ ପୁଣି ପଛକୁ ଚଳେ

ଟଙ୍କାକୁ ବାନ୍ଧିକି ବକତ ମିଳେ !

ଘାଇଲା ଭାବୁକ ଲେଖାକୁ ଜାରି

ସଇଲା ସାହିତ୍ୟ ମାନକୁ ହାରି !