ଅଫୁଟା ଫୁଲ

ମୁଁ ଅଫୁଟା ଫୁଲ

ମୋତେ ନେଇ ଅନେକ ଆଶା

ମୋତେ ଲଗାଇଥିବା ଲୋକର

ହୁଏତ ସେ ମୋତେ ସଜାଇ ରଖିବାକୁ

ଭାବିଥିବ ଉଦ୍ୟାନରେ,ବା ଫୁଲଦାନୀରେ

ମୁଁ ଆଶା ରଖିଥାଏ

ଯିବି ମନ୍ଦିରକୁ ଭକ୍ତର ଭକ୍ତି ପସରାରେ

କିନ୍ତୁ କିଏ ଜାଣେ ମୋ ଗତି

ମୁଁ କିନ୍ତୁ ମୋହିଥାଏ ମନ ଅଜଣା ପଥିକର

ଅଜଣା ପୁଲକ ହୁଏତ ଛାଡେ ମନରେ

ମୁଁ ଅଫୁଟା ଫୁଲ

କିଏ କିଏ ଦେଖନ୍ତି ବଡ଼ ସଉକିରେ

ବେଳେବେଳେ ଫୁଟିବା ଆଗରୁ ହୁଏତ

ଛିଡିଯାଏ ନିଷ୍ଠୁରତାର ଲୋଭରେ

ଫୁଟିବାର ଆଶା ମଉଳିଯାଏ ଧୂଳିସାତ ସ୍ବପ୍ନରେ

ମୋର ଯତ୍ନ ନିଏ ମାଳି

ପୁତ୍ରଠୁ ବଳି ଅଧିକ ସ୍ନେହରେ

ମୋତେ ଯୋଡ଼ି କବି କବିତା ରଚନା କରେ

ମୋତେ ସାଥିରେ ରଖି ଅଭିନେତା ଅଭିନୟ କରେ

କିନ୍ତୁ କେହି କ'ଣ ମୋ ମନ ବୁଝିବାକୁ ଚେଷ୍ଟା କରେ ।