ଅନ୍ୟାୟଦାଣ୍ଡରେ ଆଜି ନ୍ୟାୟ ଭିକାରୀ

ପହଞ୍ଚିଲା କେଉଁ କାଳ ଧରା ବୁକୁରେ

ହୃଦେ ହୃଦେ ଅନ୍ଯାୟଟା ରାଜୁତି କରେ ।

ଧର୍ମ କର୍ମ ନ ମାନନ୍ତି ଜ୍ଞାନକୁ ହାରି

ଗରବ ଅହଂକାରକୁ ଜାବୁଡ଼ି ଧରି ।

ପାପ ପୂଣ୍ୟ ବିଚାର ବି ନାହିଁ ମନରେ

ଧାଇଁ ଚାଲିଥାନ୍ତି ନିତି ନିଜ ସ୍ବାର୍ଥରେ ।

ଗୁରୁ ଗୁରୁଜନେ ଭକ୍ତି ନାହିଁ ଅନ୍ତରେ

ପିତାମାତା ସାତପର ହୋନ୍ତି ଏଠାରେ ।

ଦୟା କରୁଣା ସ୍ବଭାବ ବିଲୁପ୍ତ ପ୍ରାୟ

ହିଂସା ପ୍ରତିହିଂସା ତୋଳେ କେବଳ ଜୟ ।

ପଥଭ୍ରଷ୍ଟେ ରଣଭଣ ଆଜି ମଣିଷ

ଦେଖି ଦେଖି ଶିଷ୍ଟ ଏହା ହୁଏ ଅବଶ ।

ପାଟି ଖୋଲି କହିବାର ଜୁ ବି ନ ଥାଏ

ଅବଶୋଷେ ଦିନରାତି ଯା' ପାହିଯାଏ ।

ଦିନୁଦିନ ତୁଟିଯାଏ ସତ୍ୟର ଶିରୀ

ଅନ୍ୟାୟ ପ୍ରତି ଅନ୍ତରେ ସାଜେ ବଇରି ।

ତା' ମାୟା ଫାଶକୁ ଛିନ୍ନ ନକରିପାରି

ଅନ୍ୟାୟ ଦାଣ୍ଡରେ ଆଜି ନ୍ୟାୟ ଭିକାରୀ ।