ଅନ୍ତରଙ୍ଗ ବିଳାପ

ଅଜ୍ଞାତବାସ ନୁହେଁତ

ଅନ୍ତରଙ୍ଗ ଏକ ଆତ୍ମାର ବିଳାପ

କାନଡେରି କେହି କେବେ

ଶୁଣିଛ ସେ ସ୍ୱର? 

ବେଳେ ବେଳେ ଏତେବଡ ସୂର୍ଯ୍ୟଙ୍କୁ

ଘୋଡାଇ ଦେଇପରେ 

ଛୋଟ ଖଣ୍ଡେ କଳାହାଣ୍ଡିଆ ମେଘ ।

ଛଳନା କପଟର ଉର୍ଦ୍ଧ୍ୱରେ ଥିବା

ଲୋକଟିଏ କେମିତି ପାରିବ ବୁଝି

ଅନ୍ତରଙ୍ଗ ଛଳନାର ଭାଷା ?

ଜୀବନର ପଶାପଲିରେ

ହାର ଜିତ୍ ର ହିସାବ କରୁଥିବା 

ମଣିଷ ମାନଙ୍କୁ କିଏ ବା କାହିଁକି

ଶୁଣାଇବ ମରଣର ମଧୁର ସମ୍ଭାଷଣ ।

ନଈବଢିରେ ଭାସି ଯାଉଥିବା ଲୋକ

କୁଟାଖିଏ କୁ ବି ଆଶ୍ରା କରେ ।

ଅନ୍ଧାରରେ ଛାଇ ଖେଜିବା ପରି

ଅବାସ୍ତବତା ପଛରେ 

କାହିଁକି ଧାଇଁଛୁ ରେ ମନ ?

ଡେଣାରେ ପର ନ କଅଁଳିବା ହିଁ ଭଲ,

କେହି କଣ ଯୋଜନା କରି 

ନିରୁଦ୍ଧିଷ୍ଟ ହୁଏ ?