ଅକ୍ଷି ତୃତୀୟା
ଅକ୍ଷି ତୃତୀୟା
ଘୁମେଇ ପଡିବା ଆଗରୁ ରାତି
ମାଗେ କେତେ ପ୍ରତିଶ୍ରୁତି
କାଲି ପରା ଅକ୍ଷିତୃତୀୟା ଆସୁଛି
ଉଠହେ ବଢ଼େଇ ଜାତି ।
ସବୁବର୍ଷ ପରି ଏବର୍ଷ ଶୁଭ ଅନୁକୂଳେ
ଗଡିବ ରଥ ମାଉସୀମାଆ କତି
ଜଗା ସଙ୍ଗେ ବଡଭାଇ ବଳଭଦ୍ର
ସଙ୍ଗେ ସୁଭଦ୍ରା ତିନିମୂର୍ତ୍ତୀ ।
ନବ ଦିନ ପରେ ଫେରିଲେ ସିଂହଦ୍ୱାରେ
ହେବ ସୁନାବେଶ ନିତିକାନ୍ତି
ମାଆ ମାଉସିଏ କରନ୍ତି ଘଡି ପଥୁଲିରେ
ଚିତ୍ର ଓ ଚିତ୍ରପଟ ଜାତିଜାତି ।
ସଜାଡି ଥୋଇବେ ଫୁଲ ଫଳେ ଭରି
ଖୁସିରେ ମାଗିବେ ଶିଶୁ କୋମଳମତି
ନିଶବ୍ଦ ରାତି ଟା କରାଲେଉଟାଏ
ଚାଷୀପୁଅ ମୁଠି ଅନୁକୂଳ କରେ ପ୍ରସ୍ତୁତି ।
ଆଖିକୁ ତାହାର ନିଦ ଆସୁନାହିଁ
ଦିବାସ୍ବପ୍ନ ରେ ଏଵେ ତା ଭୀତି
ଜମି ତା ପ୍ରେମିକା ଚାଷ ତା ପ୍ରେମିକ
ରାତି ତାର ଅସରନ୍ତି ।
ସ୍ବପ୍ନସବୁ ତାର ରାତି କୁ ମାଗୁଛି
ବୈଶାଖ ମାସର ତୃତୀୟା ତିଥି
କୁଆଁ ତାରା ତାକୁ ଚାହଲେଇ ଦିଏ
ରାତିର ଛାତିରେ ଛନକା ଅତି ।
ସକାଳ ପାଇଲେ ଅକ୍ଷିମୁଠି ସାଥେ
କ୍ଷେତ ରେ ଯିବ ସେ ମାତି
ସିନ୍ଦୁରା ଫାଟିଲା କା କୁଆ କଲା
ବିବାହ ବ୍ରତ ଘରପ୍ରତିଷ୍ଠାରେ ଶାନ୍ତି ।
ସଭିଏଁ କହନ୍ତି ଅକ୍ଷିତୃତୀୟା ରେ
ପାଞ୍ଜି ର ନାହିଁ ସ୍ଥିତି
ଅକ୍ଷିତୃତୀୟା ସେ ସ୍ୱୟଂସଂପୂର୍ଣ୍ଣା
ଅତୀତ ବର୍ତ୍ତମାନ ଭବିଷ୍ୟତ ଯାଉ ବିତି ।
ପର୍ବ ଭିତରେ ନିଆରା ତୃତୀୟା
ଫରକ ନପଡେ଼ ଦିନ କି ରାତି
ଅକ୍ଷିତୃତୀୟା ର ଆନନ୍ଦ ଉଲ୍ଲାସ
କେବେବି ନହେଉ ସ୍ମୃତି ।
ଅକ୍ଷିତୃତୀୟାରେ ଚାପ ଖେଳିବାକୁ
ଡ଼ାକିଲାଣି ଆସ ସାଙ୍ଗସାଥି
ସୁଦର୍ଶନ ଙ୍କ ସଙ୍ଗେ ଚାଲନ୍ତି ପ୍ରତିମା
ନରେନ୍ଦ୍ରରେ ଚନ୍ଦନଜାତରେ ଯିବେ ମାତି l