ଲାଇବ୍ରେରୀ
ପ୍ରୋଫାଇଲ୍
ଅଜଣା ପୁଲକ
ଅଜଣା ପୁଲକ
1 min
166
ଅଜଣା ପୁଲକ ଭରିଦେଲ ତୁମେ
ପ୍ରଥମ ପରଶ ଦେଇ
ହଜାର ସପନ ଭରିଦେଲ ତୁମେ
ଆଖିକୁ ମିଶେଇ ଦେଇ
ସାତ ସାଇତା ମୋ ମନ ହୃଦୟକୁ
ତୁମେ ତ ଯାଇଛ ନେଇ ।
ନିଦୁଆ ଆଖିରୁ ନିଦ ଚୋରି କର
ଶୋଇବାକୁ ଯାଏ ଯେବେ
ବହଳ ନିଦରେ ତୁମକୁ ମୁଁ ଖୋଜେ
ପାହାନ୍ତି ନିଦରେ ଭାବେ
ନିଦ କରେ ବାଦ ବାଦ ଅପବାଦ
ନିଦରେ ପାରେନି ଶୋଇ
ତୁମରି ଗପରେ ତୁମରି ଗୀତରେ
ମୋତେ ମୁଁ ଦେଖୁଛି ନିତି
ବାଟ ଚାଲୁଚାଲୁ ତୁମ କଥା ଭାବି
କେତେ ମୁଁ ପଡୁଛି ଝୁଣ୍ଟି
ତୁମ କାହାଣୀରେ ତୁମ ଚାହାଣୀରେ
ଯାଏ ମୁଁ କବିତା ହୋଇ
