ଅଧୁରା ସ୍ବପ୍ନ
ଅଧୁରା ସ୍ବପ୍ନ
1 min
470
ଭାବି ମୁଁ ନଥିଲି ଉଜାଣି ବହିବ
ପ୍ରେମର ଯମୁନା ନଈ
ମୋ ଅଧୁରା ସ୍ବପ୍ନ ପୂରା ହେବ ପୁଣି
ତୁମରି ପରସ ପାଇ ।
ହଜାର କଥାକୁ ପାଣିଗାର କରି
ତୁମେ ଚାଲିଗଲ ଦୂରେ
ପାରିବନି ବୁଝି କେମିତି ବାହୁନି
ମନ ପକ୍ଷୀ ମୋର ଝୁରେ
ତୁମେ ଗଲାପରେ ନିନ୍ଦା ଅପବାଦ
ଯାଇଛି ମୋ ସାଥୀ ହୋଇ ।
ବାଟଘାଟ ମଠ ଗାଧୁଆ ତୁଠରେ
ମୋ କଥାର ବସେ ହାଟ
ନକହିବା ଲୋକ କହିକହି ମୋତେ
କରୁଛନ୍ତି ଛଟପଟ
ସହିବାର ସୀମା ଟପିଗଲାପରେ
ଆଉ ମୁଁ ପାରୁନି ସହି ।
ଆଖିକୁ ପାରୁନି ବିଶ୍ୱାସ କରି ମୁଁ
ତୁମକୁ ପାଖରେ ଦେଖି
କାହ୍ନୁ ପୁଣି ସତେ ଲେଉଟି ଆସିଲେ
ନିରିମାଖି ମାନ ରଖି
ଅଧୁରା ସ୍ବପ୍ନ ମୋ ସତ ହେବ ଆଜି
ପ୍ରିତି ଫୁଲ ଯାଏ କହି ।