ଅଧୁରା କାହାଣୀ
ଅଧୁରା କାହାଣୀ
କାହାଣୀ ତ ସବୁ ଅଧା ରହିଗଲା
ସରିବା ଆଗରୁ ଗପ
ତେଲ ସରି ନାହିଁ ସଳିତା ସରିନି
ଲିଭିଲିଭି ଗଲା ଦୀପ ।
ଯୋଛନା ତୁମକୁ ବାଦ କରୁଥିଲା
ନପାରି ତୁମକୁ ସହି
ମୋ ମନ ଆକାଶେ ହସୁଥିଲ ବୋଲି
ନୀଳ ଜହ୍ନ ତୁମେ ହୋଇ
ଅନ୍ଧକାର ଥିଲା ମୋ ପାଇଁ ସୁନ୍ଦର
ଆଲୁଅ କରିଲା କୋପ
ଅଧୁରା ରହିଲା ଗପ ।
ଚିହ୍ନି ମୁଁ ନଥିଲି ଚିହ୍ନାଚିହ୍ନା କହି
ତୁମେ ଆସି ଚିହ୍ନା ଦେଲ
ଚିହ୍ନିଲା ବେଳକୁ ଚିହ୍ନ ରଖିଦେଇ
ମନ ରୁ ମୋ ଚାଲିଗଲ
ଜାଣି ମୁଁ ନଥିଲି ମନ ଦେଇ ମନ
ଜିଣିବାଟା ଭାରି ପାପ
ଅଧୁରା ରହିଲା ଗପ ।