ଅଛିଣ୍ଡା ଗଣିତ

ଅଛିଣ୍ଡା ଗଣିତ

କଷିବାକୁ ଲାଗେ ଜଟିଳ

ଭାଗ କଲେ ହୁଏନା ବିଭାଜ୍ୟ

ରହି ଯାଏ ଭାଗଶେଷ

ଉତ୍ତର ଲେଖିଲା ବେଳକୁ

ସେ ହୁଏ ଏକ ଭଗ୍ନାଂଶ

ଜୀବନଟା ବି ଏକ

ଅଛିଣ୍ଡା ଗଣିତ

ମଧୁର ବନ୍ଧନର ସଂପର୍କ ଭିତରେ

ଭାବ ବିନିମୟ କରି ଚାଲିଥିଲେ

ମୃତ୍ୟୁ ଯାଏ ହୁଏନା ଶେଷ

ଯେତେ ଯା' କଲେ

ରହି ଯାଏ ଅବଶୋଶ

ଅତୁଟ ଅଛିଣ୍ଡା ଅଚିହ୍ନା 

ପାର୍ଥିବ ଜୀବନର ଏ ଅଭ୍ୟାସ

ସ୍ୱଭାବ ପ୍ରକୃତି ମାନସିକ ସ୍ଥିତି

ପରିବେଶ ପରିସ୍ଥିତିରେ

ମଣିଷ ତା' ଜୀବନଧାରାକୁ ସମାଜର

ମୁଖ୍ୟ ସ୍ରୋତରେ ସାମିଲ୍ କରି

କରେ ଯା' ଯା' କୀର୍ତ୍ତି

ରହେ ତାର ଅଲେଖା ଇତିହାସ

ଭଲ ପାଇବାର ଅନୁକୂଳରେ ହେଉ

ଅବା ପ୍ରତାରିତ ହେବାର ପ୍ରତିକୂଳରେ

ସବୁ ଅବସ୍ଥାରେ ରହେ ଅଶେଷ

ବାସ୍ତବତାର ଏ ସଂପର୍କ 

ହୋଇଗଲେ ବି ସାମୟିକ ବିଚ୍ଛେଦ

ମାନସିକ ସ୍ତରେ ରହିଥାଏ ଜୀଇଁ

ଆଣୁ ଯଶ କି କରୁ ବିବଶ

ଜୀବନ ବହୁ ଅନୁଭବ ଅନୁଭୂତିର

ଏକ ଅମୀମାଂସିତ ସିଦ୍ଧାନ୍ତ

ତାକୁ ଜାବୁଡି଼ ଧରିଥାଏ ପରିବେଶ

ଅଛିଣ୍ଡା ଗଣିତ ପରି ସେ

କଷି ଚାଲୁଥାଏ ଜୀବନ ବ୍ୟାପୀ

ରଖି ଭରସା ବିଶ୍ୱାସ।