ଅବୁଝା କବିତା ଟିଏ

    

ତୁମେ ଲାଗ ଖାଲି  ପ୍ରୀତିର ବହିରେ 

  ଅବୁଝା କବିତା ଟିଏ 

ଯେତେ ଭାବିଲେବି ଯେତେ ଜାଣିଲେବି 

   କିଛି ବାକି ରହିଯାଏ (1)

କେବେ ଲାଗେ ଏଠି  ମୋ ପାଖରେ ଅଛ 

   ଆଉ କେବେ ବହୁ ଦୂରେ 

ନଈ ସେପାରିର   ଅଜଣା ରାଇଜେ 

    ସପନର ଆର ପାରେ (2)

ଜାଣେନା କାହିଁକି   ଏତେ ମନେ ପଡ଼ 

    ମନେପଡେ ତୁମ କଥା 

ବେଶିମନେ ପଡେ  ନିରୋଳା ବେଳରେ 

    ପାଖେଥିଲେ ନୀରବତା (3)

ଚିନ୍ତା ସବୁ ସରେ  ଭାବନା ମୋ ମରେ

    ଥରେ ମନେ ପଡିଗଲେ 

ଶାନ୍ତ ମନେ ମୋର  ଝଡ଼ ଉଠିଯାଏ 

     ତୋ କଥା ମନେ ପଡିଲେ(4)

 ଲେଖୁଛି ଆଜି ମୁଁ     ତୋ ପାଇଁ କବିତା 

     ଆସି ଥରେ ପଢ଼ିଯିବୁ 

ବୁଝି ମୁଁ ପାରୁନି     ଆବୁଝା କବିତା 

     ଆସି ମତେ ବୁଝାଇବୁ (5)