ଅବସାଦ ଚୋରିକରେ ନିଦ

ଜୀବନ ଯୁଦ୍ଧରେ ସବୁ ବାଜି ମୁଁ ଜିତୁଛି

ସୁଖ ନୁହେଁ କିନ୍ତୁ ନିତି ଦୁଃଖରେ ଭିଜୁଛି ।

ନିଜକୁ ନିଜେ ଏଯାଏ ପାରିନାହିଁ ବୁଝି

ଅବୁଝା ଗଣିତ ଖାତା ପାଗଳ ମୁଁ ଆଜି ।

ସ୍ବାର୍ଥ ର ଦଉଡ଼ି ଟାଣେ ଚଞ୍ଚଳ ପାଦକୁ

ଅବସାଦ ଚୋରିକରେ ଆଖିରୁ ନିଦକୁ ।      

ଦାବାଗ୍ନିକୁ ବହୁଦୂରୁ ଦେଖିହୁଏ ସିନା

ପାଖଲୋକ ମନ ନିଆଁ ଦେଖିବି ପାରେନା ।

ଛଳନାକୁ ଆପଣେଇ ଚାଲି ମୁଁ ପାରୁନି

ବିଶ୍ବାସ କୁ ଅବିଶ୍ବାସ କରିବା ଶିଖିନି।

କାନ୍ଦିବାକୁ ଇଛା ହୁଏ ଲାଜ କୁ ଡରୁଛି

ହସିବାକୁ ଇଛା ନାହିଁ ତଥାପି ହସୁଛି ।

ବୟସର ଅପରାହ୍ନ ବିଷର୍ଣ୍ଣ ସମୟ

ଅସହାୟ ବୁକୁତଳେ ବିଦିର୍ଣ୍ଣ ହୃଦୟ ।

ମନ ଦରଜ ହିସାବ କରଜ ବଢୁଛି

ଜୁଇ କୁ ଡରିଡରି ନିଇତି ମରୁଛି ।

ଅସହାୟ ଅବଶୋଷ ଅଶାନ୍ତ ଆକାଶ

ଅହମିକା ଅନ୍ତର କୁ କରୁଛି ଆହତ ।

ମହାପ୍ରଭୁଙ୍କ ଉପରେ ଯାହା କରେ ଅଭିମାନ

ସବୁ ମୋର କର୍ମ ଫଳ ନାହିଁ ପରିତ୍ରାଣ ।