ଅଭିନୟ

ସବୁକିଛିର ସ୍ବେଛାକୃତ ଅନ୍ତ ପରେ

ସ୍ୱାର୍ଥର ରଙ୍ଗରେ ଜୁଡୁବୁଡୁ ସମସ୍ତ ସମ୍ପର୍କ ଅସ୍ତମିତ ହେଲାପରେ 

ସମସ୍ତଙ୍କ ପାଇଁ ମୁଁ ଅବାଂଛିତ ପାଲଟିଯିବା ପରେ 

ହୃଦୟ ବେଳା ଭୂମିରେ ଆଜି ବିଳାପର ଉତ୍ତାଳ ତରଙ୍ଗ 

ଭଙ୍ଗୁର ଛାତିରେ ଆଜି ଅନୁତାପର ପାଦଚିହ୍ନ

ସେଇ ଅନୁତାପର ଜର୍ଜରିତ ବିଳାପ ପରେ ଆଜି ସମସ୍ତ ଜୀବନ ଗଣିତର ଗୋଟିଏ ସୂତ୍ର 

ସମସ୍ତ ସମ୍ପର୍କ ଥିଲା ଅଭିନୟ ଏବଂ କୃତ୍ରିମତାର ନିଚ୍ଛକ ପରିପ୍ରକାଶ 

ମିଥ୍ୟାର ଶିଳା ରେ ସତ୍ୟର ବିଫଳ ସନ୍ଧାନ କରି କରି ନୟାନ୍ତ ମୁଁ 

ହୃଦୟରେ ଖାଲି ଦହନ ହିଁ ଦହନ 

ତଥାପି ରଖିଛି ବିଶ୍ୱାସ ନିଃସଙ୍ଗତାକୁ କୋଳେଇନେଇ ଏ ଅଭିଶପ୍ତ ଜୀବନକୁ ଜିଁବାର ||