ଆସିବ ପ୍ରିୟା

ଆସିବ ବୋଲି କହିଛି ପ୍ରିୟା

ଆସିବ ହେଲାଣି ସମୟ

ମନ ମନ୍ଦିରେ ବସିବ ସିଏ

ସଜେଇ ରଖିଛି ହୃଦୟ ॥

ତୋଳି ରଖିଚି ପ୍ରୀତି କୁସୁମ

ଅଳି ସେ କରିବ ଯେବେ

ସମର୍ପିଦେବି ସବୁ ତା'ପାଶେ

ଭୁଲି ପାରିବନି କେବେ ॥

ସଂପର୍କ ଆମ ଅତୁଟ ପ୍ରେମ

ବୁଝି ପାରିବେନି କେହି

ଦେଖିଲା ବାଲା ଉପରବାଲା

ଇର୍ଷାରେ ଜଳିବ ମହୀ ॥

ମରିବୁ ଆମେ ଏକାଠି ପ୍ରେମେ

ବଞ୍ଚିବୁ ଏକାଠି ହୋଇ

ହାରିବୁନାହିଁ ଦୁନିଆ ପାଶେ

ଆମେ ନବ ପ୍ରେମୀ ଦୁଇ

ସ୍ୱର୍ଣ୍ଣ ଅକ୍ଷରେ ହେବ ଲିଖିତ

ଆମ ପ୍ରେମ ଇତିହାସ

ବିଶ୍ଵାସ ମୋର ଆସିବ ପ୍ରିୟା

ନିଶ୍ଵାସେ ହୋଇ ପ୍ରକାଶ ॥

ଶରତ ଚନ୍ଦ୍ର ଜାଲି,ପଥରା

ତା:୩୦/୪/୦୧୮