ଆସ ଆସ ହେ ନବ ବର୍ଷ
ଆସ ଆସ ହେ ନବ ବର୍ଷ
ଆସ ଆସ ହେ ନବ ବର୍ଷ
ତୁମକୁ ସ୍ବାଗତ କରୁଛୁ ସଭିଏଁ
ହୃଦୟରୁ ଶୁଭେଚ୍ଛା ଦେଇ ଅଶେଷ
ସାଥେ ତୁମର ନେଇ ଆସ
ଅସରନ୍ତି ସୁଖ ଶାନ୍ତି ସନ୍ତୋଷ
ହସଖୁସି ଆନନ୍ଦ ଉଲ୍ଲାସ
ସାରା ସଂସାରକୁ ଦିଅ ଶୁଭ ସନ୍ଦେଶ।
ଆସ ଆସ ହେ ନବ ବର୍ଷ
ଅଭିନନ୍ଦନର ଅଭିବାଦନ ତୁମକୁ
ଜଣାଏ ଏ ସମଗ୍ର ବିଶ୍ବ
ସବୁ ଦେଶ ସବୁ ଜାତିର ହେଉ ବିକାଶ
ପ୍ରଗତିର ପଥେ ଚାଲୁ ମାନବ ସମାଜ
କାହାରି ମନେ ନ ଆସୁ ହିଂସା ଦ୍ବେଷ
ସବୁରି ଉପରେ ରହୁ ଭରସା ବିଶ୍ବାସ।
ଆସ ଆସ ହେ ନବ ବର୍ଷ
ସରାଗରେ ପାଛୋଟି ନେବୁ ତୁମକୁ
ଆତିଥ୍ୟରେ ଦେଇ ଅଜସ୍ର ସମ୍ମାନ
ହୃଦୟରୁ ଢାଳି ଦେବୁ ଶ୍ରଦ୍ଧାର ପୀୟୂଷ
ଦୂରେଇ ଯାଉ ଭେଦାଭେଦ
ଏ ମଣିଷ ଆଉ ନ ହେଉ ହିଂସ୍ର
ସୁସ୍ଥ ସବଳ ନିରୋଗରେ କରୁ ବସବାସ
ସବୁରି ଅଧରରେ ଫୁଟୁ ମଧୁର ହସ।
ଆସ ଆସ ହେ ନବ ବର୍ଷ
ତୁମ ଆଗମନେ ଭରିଯାଉ ହର୍ଷ
ସତ୍ୟ ଅହିଂସାର ହେଉ ପରିପ୍ରକାଶ
ଧନ ଧାନ୍ୟରେ ସମୃଦ୍ଧିଶାଳୀ ହୋଇ
ହସୁ ଏ ସୁନାର ଭାରତ ବର୍ଷ,
ମନ ପ୍ରାଣ ହୋଇ ସୁବାସେ ସରସ
ସ୍ଵଚ୍ଛ ନିର୍ମଳ ସୁନ୍ଦର ହେଉ ପରିବେଶ।
ଆସ ଆସ ହେ ନବ ବର୍ଷ l