ଆମ ସମ୍ପର୍କ

ସମ୍ପର୍କ ଏକ ମହୁଝରା

ମଧୁର ପିଆଲା ଝୁମିଝୁମି

ହୋଇ ଉଠେ ମତୁଆଲା

ହୋଇ ଉଠେ ସମ୍ପର୍କ 

ନିବିଡ ବନ୍ଧନ ରଜ୍ଜୁରେ ବନ୍ଧା

ମନରେ ଖେଳି ଉଠେ

ଅସରନ୍ତି ପୁଲକରେ ଛନ୍ଦା

ଖେଳାଇ ଦିଏ ଉନ୍ମାଦ

ହୋଇ ଯାଏ ଫଗୁଣର

ଵିଚ୍ଛୁରିତ ରଙ୍ଗ ତୂଳୀରେ ରଙ୍ଗା

କୃଷ୍ଣ ଚୂଡ଼ା ରଙ୍ଗପରି ନିଆରା

ରୁହଇ ଅତୁଟ ଅଭୁଲା 

ସମ୍ପର୍କରେ ଉଠିଲେ ଜୁଆର

ମନ ହୋଇରହେ ଭଙ୍ଗା

ଆବେଗ ସାଜେ ଲେଲିହାନ ଶିଖା

ସବୁ କିଛି ଲାଗଇ ପିତା

ହୋଇ ରହେ ଅସଜଡା

ଭାଙ୍ଗି ଉଠେ ମନ ଆଇନା

ପ୍ରତି ବିମ୍ବ ହୋଇ ଉଠେ ଝାପସା