ଆକାଶ
ଆକାଶ
ଅନନ୍ତ ଅସୀମ କାୟା ନୀଳ ରଙ୍ଗାଚ୍ଛନ୍ନ
ସୃଷ୍ଟିର ବିଚିତ୍ର କଳା ବିଧିର ବିଧାନ
ଦୂର ଦିଗନ୍ତକୁ ଦେଖି ଭ୍ରମିତ ନୟନ
ଧରିତ୍ରୀ ସହିତ ସତେ ଘଟିଛି ମିଳନ ।
ବକ୍ଷେ ସୂର୍ଯ୍ୟ ଚନ୍ଦ୍ର ତାରା କରିଛି ଧାରଣ
ପ୍ରାତଃ ସଂଜେ ରବିକରେ ଦିଶେ ଶୋଭାବନ
ଚାନ୍ଦ ତାରା ଗହଣରେ ରାତ୍ରି ଆଗମନ
ଅପୂର୍ବ ସୌନ୍ଦର୍ଯ୍ୟ ଭରି କିଣେ ଜନମନ ।
କୋଳେ ତା'ର ମେଘମାଳା କଲେ ବିଚରଣ
ଢାଳିଦିଏ ବର୍ଷାଧାରା ଧରାରେ ତକ୍ଷଣ
ବିଶାଳ ଉଦାର ହୃଦ ଚିର ସ୍ୱାର୍ଥ ଶୂନ୍ୟ
ବିଶ୍ୱ ସ୍ଥିତି ସଂଗଠନେ ଅଦ୍ୱିତୀୟ ସ୍ଥାନ ।
ସୂକ୍ଷ୍ମସତ୍ତା ଅସ୍ତିତ୍ବରେ ଆକାଶ ମହାନ
ପ୍ରକୃତି ପୃଷ୍ଠରେ ଗଢେ ପ୍ରତିଟି ଜୀବନ ।