ଆଜାଦୀ କା ଅମୃତ ମହୋତ୍ସବ
ଆଜାଦୀ କା ଅମୃତ ମହୋତ୍ସବ
ପଞ୍ଚସ୍ତରୀ ବର୍ଷ ସ୍ୱାଧୀନ ପରଶ
ଲଭିଲେଣି ଆମ ଭାରତ ଭବ
ଆସରେ ପାଳିବା ସର୍ବେ ଭାରତୀୟ
ଆଜାଦୀ କା ଅମୃତ ମହୋତ୍ସବ ।
ହର୍ ଘରେ ଉଡ଼ାଇ ତ୍ରିରଙ୍ଗା ଆମର
ଗାଇ ଗାଇ ତା'ର ବିଜୟ ଗୀତି
ସକଳ ହୃଦୟେ ଭରି ଦେଉଥିବା
ଶାନ୍ତି ସଦ୍ଭାବନା ଭ୍ରାତୃତ୍ୱ ପ୍ରୀତି ।
ହୋଇ ସୁସଜ୍ଜିତ ତୋଳି ବୀରବାଦ୍ୟ
ଉଜ୍ଜୀବିତ ଯେତେକ ବୀରଗାଥା
ଜଣାଇ ଦେବାକୁ ସମର୍ଥ ଆମେ ବି
ବୀର ପଦବୀ ପାଇଁ ସାମରଥା ।
ଅତୀତରେ ଥିଲୁ ଆଜି ବି ରହିଛୁ
କେବଳ ଚର୍ମର ପରିବର୍ତ୍ତନ
ନଚେତ୍ ଭିନ୍ନତା ଆମ ପାଖେ ନାହିଁ
ଭରି ବି ରହିଛି ମଣିଷପଣ ।
ଏ ଶୁଭ ମୁହୂର୍ତ୍ତ ଜୀବନର ସତ୍ୟ
ବତାଇ ଦେବାକୁ ଆସିଛି ଆଜି
ଯେତେ ତ୍ରୁଟି ଅଛି କରି ସଂଶୋଧନ
ଏକତ୍ୱ ମନ୍ତ୍ରରେ ଯିବାରେ ହଜି ।
ସେଥିରୁ ଅମୃତ ଝରି ପଡ଼ୁଥିବ
ମିଳିମିଶି ଆମେ କରିବା ପାନ
ମାଟିରେ ମିଶିଲେ ପାର୍ଥିବ ଦେହ ବି
ରହିଥିବ ନାମ ଅମର ଜାଣ ।