ଆହାରେ ରସିକ ପାରୁଡ଼ା ପୋକ

ଶମନ ଡାକୁଛି ବୟସ ତେଢ଼ା

ତଥାପି ଅୟସ ଥୋବଡ଼ା ବୁଢ଼ା

ଗଜା ବୟସୀକୁ ପେରମ ଚଢ଼ା

ଆଖିର ଚଷମା ଖସୁଛି ନାକ 

ଆହାରେ ରସିକ ପାରୁଡ଼ା ପୋକ !

ଭାବରେ ନିଲଠା ଗୁମୁଟ ପଶା

ଗାଲୁଆ କାହାଣୀ ମାଲୁଆ ହସା

ଲଳନା ଖେଳନା ଅଙ୍କର ଆଶା

ଶୂନ୍ୟକୁ ହକାରି ଦେଉଛୁ ବୋକ 

ଆହାରେ ରସିକ ପାରୁଡ଼ା ପୋକ !

ନାଲିଆ ଛିଟରେ ଜାମାକୁ ଯୋଡ଼

ଗୁଲିଆ ଖଟିରେ ଫୁଙ୍କୁଚୁ ନାଡ଼

ମାଉଁସ ନାଗିଚି ପାକଳ ହାଡ଼

ଗଜବ ଦେଶର ଅଜବ ଲୋକ

ଆହାରେ ରସିକ ପାରୁଡ଼ା ପୋକ !

ମୁଖସ୍ଥ କରିଛୁ ପଞ୍ଚମ ବେଦ

ଶୋଧାକୁ ଉତୁରୁ ବାଦକୁ ଛେଦ

ଅଜଣା ଜଣାକୁ ଆଲୁଅ ଭେଦ

ଜୀରାରୁ ଶିରାକୁ କାଢୁଛୁ ଠକ

ଆହାରେ ରସିକ ପାରୁଡ଼ା ପୋକ !

ତେଲିଆ ରଖିଛୁ ମାରିବେ ତାଳି

ଆମ୍ବକୁ ଆମ୍ବଡ଼ା ପାରିବେ ତୋଳି

କାଳିଆ କୁକୁର ବୋଲିବେ ଛେଳି

ମନକୁ ମନ ତ ନାଆଁକୁ ଡାକ

ଆହାରେ ରସିକ ପାରୁଡ଼ା ପୋକ !