Library
Profile
ଆଗନ୍ତୁକ ବନ୍ଧୁ
ଆଗନ୍ତୁକ ବନ୍ଧୁ
ଶୁନଶାନ ରାତି
ଗଭୀର ନିଦ୍ରାରେ
କାହାର ଡାକରେ
ଦେହ ଭିତରେ ମୋ
ତରଙ୍ଗ ଖେଳଇ
ଥକା ଶରୀରଟା
ପଲଙ୍କ ଉପରେ
ମୁଁ କିନ୍ତୁ ଚାଲେ ସେ
ଦୁଆର ପଥରେ
ବନ୍ଦ ଦରଜାର
ଅପର ପାର୍ଶ୍ୱରେ
କିଏ ସେଠି ତୁମେ
ଲାଗେ ଅପଣାର
ଇଷତ୍ ହସରେ
ଭରିଯାଏ ମନ
ଆସ ଆସ ବୋଲି
ଡାକିନିଅ ମୋତେ
ଆଗକୁ ଆଗକୁ
ଅଙ୍କା ବଙ୍କା ପଥେ
ସମ୍ମୋହିତ ହୋଇ
ଚାଲିଥାଏ ପଛେ
ପାର ହୋଇ କେତେ
ନଦୀ ଓ ସମୁଦ୍ର
ଖାଲ ଢିପ ଆଦି
ଶଙ୍କାକୁଳ ପଥ
ଶେଷେ ଭେଟହୁଏ
ସୀମାହୀନ ଗର୍ତ୍ତ
ଶୂନ୍ୟ ଶୂନ୍ୟ ତଳ
ହଜି ଯାଏ ଆଖି
ଭୟ ଛାଡ଼ି ଏବେ
ଡେଇଁ ଆସ ବୋଲି
ଶବଦ ଶୁଭୁଛି
ତୁମେ କାଳେ ବନ୍ଧୁ
ଧରିଛ ହାତକୁ
ରଖିବି ସାହସ
ଭର
ଷା ବି ଥିବ
କାଳେ ମୁଁ ସମର୍ଥ
ଡେଇଁପାରେ ଏହି
ସୀମାହୀନ ଗର୍ତ୍ତ
ଆହେ ବନ୍ଧୁ ମୋର
କରେ ସମର୍ପଣ
ସାହସ କରୁନି
ସଙ୍କୁଚିତ ମନ
ଆହା କି ସୁନ୍ଦର
ସ୍ମିତ ହାସ୍ୟ ତବ
ସ୍ନେହ ଓ ପ୍ରେମରେ
ବାନ୍ଧି ଦେଇ ମୋତେ
କୋଳେ ତୋଳି ନେଲ
ଅପର ପାର୍ଶ୍ୱରେ
ଆଲୋକର ଧାରା
ବିଚ୍ଛୁରିତ ଏଠି
ସୁବର୍ଣ୍ଣ ଆଲୋକେ
ଖୋଲି ଯାଏ ଆଖି
ଚମକି ଦେଖେ ମୁଁ
ପଲଙ୍କ ଉପରେ
ଆସିଥିଲା କିଏ
ବନ୍ଦ ଦୁଆରରେ
ଭିଜା ଭିଜା ମନ
ଶରୀରେ ସ୍ପନ୍ଦନ
ଦେଇଗଲା କିଏ
ବନ୍ଧୁର ସମ୍ମାନ
ହାତ ଯୋଡି କରେ
ପ୍ରଣାମ ତୁମକୁ
ଆଗନ୍ତୁକ ବନ୍ଧୁ
ଏବେ ମୁଁ ଚାହିଁଛି
ଯିବାକୁ ଆଗକୁ
ଜଗି ବସିଛି ମୁଁ
ଫେରିବା ବାଟକୁ।
