ଆଧୁନିକତା

ଆଜ ଦୁନିଆରେ ଆଧୁନିକତାର

ସ୍ପର୍ଶେ ସର୍ବେ ବଶୀଭୂତ,

ତା' ପଛରେ ପୁଣି ଉଗ୍ର ଶବ୍ଦ ଲାଗି

କରୁଛି ହତଚକିତ,

ମନ ହୁଏ ଭୟଭୀତ,

ଏହା ପାଇଁ ଦିନେ ଶେଷ ହେବନି ତ

ଆମ ସୁନ୍ଦର ମରତ ।

ଖାଦ୍ୟ-ପାନୀୟର ବେଶ-ପୋଷାକରେ

ଚାଲିଚଳନର ଏହି

ଆଧୁନିକତାକୁ ଆପଣେଇବାକୁ

ସର୍ବେ ହେଉଛନ୍ତି ବାଇ,

କି ଯୁଗ ହୋଇଲା ଭାଇ ?

କାହାକୁ କହିବା ସମସ୍ତେ ଚାଲୁଣି

ଛୁଞ୍ଚି ମନ ହାଇଁପାଇଁ ।

ଏହିପରି ଯଦି ସର୍ବଗ୍ରାସୀ ହୋଇ

ଚାଲିବ ଆଧୁନିକତା,

ତାହାର ପ୍ରଭାବେ ଘାରିବ ସର୍ବଙ୍କୁ

ବିକୃତ ମାନସିକତା,

ନରହିବ ବାଡ଼ବତା,

ଗୋରୁଗାଈ ପଶି ଚରିଗଲାପରି

ଭୁଲିବେ ସର୍ବ ଶିଷ୍ଟତା ।

ଏଥିପାଇଁ ଆଜି ଜାଗ୍ରତ ହୁଅରେ

ସରବ ବାଇଆ ମନ,

ଆଧୁନିକ ନାମେ ରଟାଅନା କେହି

ବିଭତ୍ସତା ଦୃଶ୍ୟ ନଗ୍ନ,

ଶୃଙ୍ଖଳାରେ ରଖ ଧ୍ୟାନ,

ଜୀବନ ଉନ୍ନତି ଘଟାଇ ଯେପରି

ଜଗତ କରିବ ଧନ୍ୟ ।