थँक्यू सर
थँक्यू सर
राधा आठव्या वर्गात शिकत होती. तेव्हाची
गोष्ट आहे. राधाची दुपारची शाळा होती . गणिताची
तासिका सुरू होती . गणित हा राधाचा आवडता
विषय होता. सर पण खूप , छान सोप्या पद्धतीने
गणित समजावून सांगत होते . सर शिकवीत
होते . सर्व मुली , शांतपणे शिकत होत्या . दोन
गणित समजावून होत नाही , तोच सरांना
मोठ्या सरांचे बोलावणे आले .
"पुढली उदाहरणे तुम्ही सोडवून ठेवा . "असे म्हणून
सर मोठ्या सरांना भेटायला गेले . मुली गणित
सोडावीत होत्या . पण एका समीकरनावर सर्व
मुली आडून बसल्या . ते समीकरण सोडविणे
कुणाला जमत नव्हतं. राधाने डोके लढविले .
त्याचे उत्तर काढले . उत्तर बरोबर होते . ती
लगेच म्हणाली ,
' मला जमले. माझे उत्तर बरोबर आले ."
"मुली म्हणाल्या
आम्हालाही सांग ना , कसे केले ते."
लगेच राधा उठली . तिने फळ्यावर गणित
समजावून सांगितले . तेवढ्यात सर आले . बाहेर
उभे राहून.राधाचे शिकविणे बघत होते. पण राधाचे तिकडे अजिबात लक्ष नव्हते . मुली पण शांतपणे
ऐकत होत्या . तेवढ्यात एक मुलगी ओरडली,
"सर आले "
राधाने बाहेर बघितले . सर आत आले .
राधा खाली मान घालून उभी राहिली .
"सॉरी सर ."म्हणून ती तिच्या जागेवर जाऊ लागली.
तसे सर तिला म्हणाले ,
"खूप छान शिकवत आहेस . कॅन्टीन्यू कर ."
राधा शिकवीत होती . सर तिच्याकडे कौतुकाने
बघत होते. राधा सरांची आवडती विद्यार्थिनी
होती . आठवी , नववी चे दोन वर्षे निघून गेले .
आता दहावीचे वर्ष आले होते . सर्व मुलींनी
मॅथ्यस , सायन्स आणि इंग्लिशची शिकवणी
लावली होती. पण राधाच्या घरी थोडा आर्थिक
प्रॉब्लेम असल्याने , तिने फक्त इंग्लिशची शिकवणी
लावली . गणित विषय तिला तिचे बाबा शिकवीत होते . त्यामुळे तिला शिकवणीची गरज भासली
नाही .
इंग्लिशच्या शिकवणीला राधाला , मॅथस्च्या
सरांच्या घरासमोरून जावे लागत असे . एक
दिवस राधा इंग्लिशच्या शिकवणीला सायकल
वरून जात होती. मॅथ्च्या सरांनी तिला आवाज
देऊन थांबविले . राधा सायकल पकडून सरांच्या
समोर उभी राहिली . सर तिला म्हणाले,
"तू , शिकवणीला का येत नाहीस ?"
"माझे बाबा न, गणित घरी , शिकवीत असतात,
म्हणून येत नाही."
"अग , पण बाबांना ऑफिसची खूप काम असतात.
त्यांना कशाला त्रास देतेस . मी आहे ना _ _ _ !.
उद्या पासून येत जा . "
"पण सर _ _. !"
"माझ्या फी ची काळजी करू नको . मला पैशा पेक्षा
तुझ्या सारख्या हुशार , जिज्ञासू आणि बुद्धिमान
मुलीला शिकविण्याचां अंनंद जास्त महत्वाचा
वाटतो ."
संध्याकाळी , राधा शाळेतून घरी आली . तिने
तिच्या बाबांना सरांचे आणि तिचे बोलणे सांगितले.
बाबा विचार करून म्हणाले ,
"सर , जर तुला स्वतःहून बोलावीत आहेत ,तर
तू उद्यापासून जा , सरांकडे . नाही गेलीस तर
त्यांना वाईट वाटेल . ते अगदी मनापासून तुला
बोलावीत आहेत. आपण जसे जमेल तसे , त्यांचे
पैसे देऊ ."
बाबांची परमिशन मिळाल्याने राधा सरांकडे
गणित शिकायला जाऊ लागली .तिने मन लावून
अभ्यास केला . सर्व सराव पेपर ती मन लावून
सोडावीत होती . बोर्डाची परीक्षा आली . राधाचे
सर्व पेपर खूप चांगले गेले . विशेषतः गणिताचा
पेपर तिचा खूपच छान गेला . आता रिझल्टचा
दिवस उगवला . राधाला उत्तम मार्क्स मिळाले .
गणितामध्ये तर तिला दिडशे पैकी एकशे
सत्तेचाळीस मार्क्स मिळाले. सरांना जेव्हा राधाचा
रिझल्ट कळला, तेव्हा त्यांना खूप आनंद झाला .
सरांनी दिलेला आपुलकीची साथ राधा कधीच
विसरणार नाही.
स्टोरी मिरर ने . सरांबद्दल लिहिण्याची संधी दिली
तर राधा स्टोरी मिरर ला आणि सरांना थँक्यू सर म्हणेलच _